Matthew 20:28 - Sa Ugud Apudyus

²⁸ Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Matthew 20:28 Iomraidhean Croise

Matthew 20:27

Ḵad nu ngai ḵan diḵayu pionae ambalin aḵ ḵangatuwan, ḵasapuḻane anserbi'tta buḻunnae isun di musassu.

Matthew 26:28

te sana daḻaḵe amanoḵnoḵ atte Baru we Tuḻag Apudyus atta tagu. Mibuḵbuḵ nu matoyaḵ ta adu da tagu we mapakawan da basuḻda.

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

Mark 10:45

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Mark 14:24

Ḵanan Jesus, “Sana daḻaḵe amanoḵnoḵ atte Baru we Tuḻag Apudyus atta tagu. Nu matoyaḵ, pumoy-as daḻaḵ ta mapakawan da adu we tagu.

Luke 22:27

Ngai ḵad ain nangatngatu, sa tumuḵdu we angan si lamisaan baḵon nu sa sammilu? Sa igammuyu, sa tumuḵdu we angan si lamisaan nangatngatu saadna. Yaḵon annaaḵ sinae anserbi ḵan diḵayu we isun di sammilu.

John 10:15

Igammun Amaḵ saḵon ḵad igammuḵ os aḵ Amaḵ. Ḵad naḵasaganaaḵe angitod atte long-agḵu'ḵ matoy gapu'tta karneroḵ.

Romans 4:25

Impuḻang Apudyus aḵ matoy aḵ Jesus ta bayad da basuḻ taḵu ya tinaguna ta ibelang Apudyus ditaḵu'ḵ naun-unan.

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

Galatians 3:13

Yaḵon sinubut Kristu ditaḵu si madusaan taḵu te aditaḵupun lamog tuttuwaon da losane lintog si natoyana'tte kros para ḵan ditaḵu. Te sa nigili ye Ugud Apudyus ḵanana, “Ngaimane madusa ta matoy gapu si mitayunana'tte ḵayu, nadusa ḵan Apudyus.”

Ephesians 1:7

Te gapu si pummoy-asan ni daḻan Jesu Kristu si natoyana, nasubut taḵu we piona ḵanan napakawan da basuḻ taḵu. Sana nail-an ni ummamdane ḵinabaḻun Apudyus

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

1 Timothy 2:6

Siya nangitod si biyagna ta masubut da losane tagu atta madusaan da basuḻda. Naḵwa sadi si ustu we timpu we dinutuḵan Apudyus ya sadi nangipail-anae pionae matagu da losane tagu.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Hebrews 2:10

Ustu'ḵ Apudyus we nangwa ḵan nangayyuwan atta losan ḵad ḵingwana'ḵ Jesus aḵ gattoḵe pangat mipagapu'tte nampaḵaḻamana te pionae adu da ambalin aḵ abengna ta midogada si ḵinangatuna. Te aḵ Jesus angidaḻan ḵan dida si mataguwanda.

Hebrews 5:8

Taḵon ay nu Abeng Apudyus aḵ Jesus, inadaḻnae tummuttuwa ḵan Apudyus mipagapu'tta nampaḵaḻamana.

Hebrews 9:28

Isuna bos ḵan Kristu, namingpingsane indatunna long-agna ta ḵaanona da basuḻ da adu we tagu. Ḵad nu umali ḵasin, daḵampun aḵ gapu'tta basuḻ yaḵon taguwona da anguuway ḵan siya.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.

1 John 2:2

Siya bos nangidatun atte long-agna ta maḵaan sangan Apudyus ya mapakawan da basuḻ taḵu ya daḵampun aḵ abus da basuḻ taḵu yaḵon da basuḻ os da losane tagu'tte annae lubung.

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.