Matthew 20:22 - Sa Ugud Apudyus

²² Ḵanan Jesus atta duwae ansunud, “Ippun igammuyu'tte ḵodawonyu. Maanusanyu ḵad aine ampaḵaḻame isun ni ampaḵaḻamaḵ?” Ḵananda, “On, lamogni.”

Matthew 20:22 Iomraidhean Croise

Matthew 26:35

Pun ḵanan Peter ḵan siya, “Taḵon ay nu ḵasapuḻane maḵaḵatoyaḵ ḵan siḵa, adiḵpun paat puḵlitan siḵa.” Pun ḵaḵna bos imbagan da udume disipulu.

Matthew 26:39

Pun bummattawa ḵan dida'ḵ aḵit woḵ nalluḵbube nalluwaḻu. Nalluwaḻu woḵ ḵanana, “Ama, nu maḵwa oḵyan, iligsim saḵon si annae ampaḵaḻamaḵe sasangnguwoḵ. Yaḵon daḵampun oḵyan si pinioḵ mituttuwa nu adi sa piniom.”

Matthew 26:42

Pun ummoy os ḵasin aḵ Jesus nalluwaḻu woḵ ḵanana, “Ama, nu ḵasapuḻane maḵwa ḵan saḵon da sanae ampaḵaḻamaḵ, sa piniom maḵwa.”

Matthew 26:56

Yaḵon maḵwa losan da anna sinsadi ta mituttuwa inggilin da profeta si ugudna si awe mipanggob ḵan saḵon.” Imbagan ḵad ay Jesus sadi, losan ummawid da disipuluna woḵ tinenanda'ḵ Jesus.

Mark 14:36

Ḵanana, “Ama, lamognu ḵoon da ngaiman, nu maḵwa oḵyan, iligsim saḵon si annae ampaḵapaḵaḻamaḵ. Yaḵon daḵampun si pinioḵ maḵwa yaḵon sa piniom.”

Luke 12:50

Yaḵon umunae ampaḵapaḵaḻamaḵ ya amod dadauyḵu inggana'ḵ magangput.

Luke 22:42

Ḵanana, “Ama, nu piom, iligsim oḵyan saḵon si annae ampaḵaḻamane sasangnguwoḵ. Yaḵon daḵampun aḵ sa pioḵ mituttuwa yaḵon sa piom.”

John 18:11

Ḵanan Jesus ḵan Peter, “Ipaulim ispadam si bolbolloyna. Ḵanampun ḵamman nu adiḵ maanusan ampaḵaḻamane inḵoddong Amaḵ?”

Romans 8:26

Daḵampun aḵ abus namnama taḵu'ḵ bumadang ḵan ditaḵu yaḵon sa Ispiritu Santu bumadang atta anḵuyaan taḵu. Te ippun igammu taḵu'tta iluwaḻu taḵu. Yaḵon sa Ispiritu we mismu angiluwaḻu'tta ḵodawon taḵu we adipun mibungangay.

James 4:3

Ḵad taḵon ay nu anḵodaw ḵayu, adinapun os itton te lawweng panggobyu we anḵodaw. Te abus gangganason da long-agyu'ḵ ḵodawonyu.