Matthew 2:6 - Sa Ugud Apudyus

⁶ “ ‘Diḵayu we awad si ili'd Bethlehem atte saḵubna'd Judea, sa iliyu ḵapatogan si madaydayawe ili'd Judah te da ganaḵyu maḻpuwan ni angipangat ya angayyuwan atta taguḵe ganaḵ Israel.’ ”

Matthew 2:6 Iomraidhean Croise

Matthew 2:1

Aḵ Jesus ḵad niyanaḵ ad Bethlehem atte probinsiya'd Judea si nampangatan Ari Herod. Baag-en inninggaw da ummoy ad Jerusalem we naḻpu si dumingitan init. Nalaingdae angibaga'tta pion da bituwon ḵanan.

Matthew 28:18

Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.

John 21:16

Ḵanan Jesus ḵasin, “Simon we abeng John, ay-ayatom pagay saḵon?” Ḵanan os Peter, “On Apu, igammume ay-ayatoḵ siḵa.” Ḵanan os Jesus, “Pun ayyuwanam da karneroḵ.”

John 7:42

Te nigili si Ugud Apudyus we maḻpu Kristu atta ganaḵ Ari David. Ḵad miyanaḵ ad Bethlehem we ilin Ari David atte awe.”

Ephesians 1:22

Impangatun Apudyus aḵ Kristu ta siya angipangat atta losane banag ya siya bos dinutuḵan Apudyus we pangat da losane namati.

Colossians 1:18

Siya isun di uḻu taḵu we namati, ḵad ditaḵu isun di long-agna. Ḵad siya bos maḻpuwan ni mataguwan taḵu te siya panguḻu we Abeng Apudyus we ummuli ta ambalin aḵ ḵangatuwan atta losan.

Hebrews 7:14

Te nalawage naḻpu Apu taḵu'tta ganaḵ Judah ḵad naippun imbagan Moses mipanggob atta ḵinapadin da ganaḵ Judah.

Revelation 11:15

Nagangput ḵad nanangguyub ḵumapitu we anghel, inninggaw da andangsoḻe ginga'd langite ḵananda, “Inggana sinsadi, naippun udum aḵ maḵwae angipangat atte lubung malaksid aḵ Apu taḵu we Apudyus ya sa Kristu we imbuunna ya ippun anungus ni ampangatana.”

Revelation 2:27

ye isun ni ḵaḻabbongane innatod Amaḵ ḵan saḵon. Ḵad naippun osa'ḵ ḵallabbong angngog ḵan dida yaḵon amo dallu we oḻgonda da adipun amigbig si ḵaḻabbongandae isuna angabuḵan ni ḵagae bastun atte banga.

Revelation 7:17

Te sa Ubbu we Karnero we awad si gaggawan ni trono, siya anangḵon ḵan dida. Ḵad ipuyutna dida'tte bubune maḻpuwan ni danume angitod si biyag. Ḵad punasan os Apudyus losan da luwada.”