Matthew 2:12 - Sa Ugud Apudyus

¹² Pune sadi, impain-inop Apudyus ḵan dida woḵ binilinna dida ta adida ogon mipauli ḵan Ari Herod. Pun siya innoyda sabali ye daḻane mipauli'tte ilida.

Matthew 2:12 Iomraidhean Croise

Matthew 1:20

Sinomsomoḵna ḵad mipanggob si sana, baag-en nampaila ḵan siya anghel Apudyus si in-inop woḵ ḵanana, “Siḵa Joseph we ganaḵ Ari David, adiḵa maḵimute angiḵamboḻoy ḵan Mary te sa bugina mipagapu si ḵabooḻan ni Ispiritu Santu.

Matthew 2:13

Napuswidda ḵad, baag-en nampaila anghel Apudyus ḵan Joseph atte in-inop woḵ ḵanana, “Bumangonḵa! Aḻam da an-ina ta umawid ḵayu'd Egypt. Ḵad inggaw ḵayu sidi inggana'ḵ ibagaḵ te annat da ibuun Ari Herod we angngit si abeng ta pagongatna.”

Matthew 2:19

Natoy ḵad aḵ Ari Herod, baag-en nampaila anghel Apudyus ḵan Joseph si in-inop ad Egypt woḵ ḵanana,

Matthew 2:22

Dingngoḻ ḵad Joseph we aḵ Archelaus we abeng Ari Herod nipasani ye Ari'tte probinsiya'd Judea, maḵimute mipauli'd Judea. Nagangput ḵad nabagbagaan si in-inop, ummoyda si probinsiya'd Galilee woḵ bummoḻoyda si ili'd Nazareth. Naḵwa ḵaḵna ta sa Ugud Apudyus atta profetana mituttuwae ḵanana, “Mangadanan aḵ iNazareth.”

Matthew 27:19

Sissiya ḵade tutuḵdu'ḵ Pilate si tutuḵduwan ni ḵuwis, nambuun aḵ asawana'ḵ umoy angibaga ḵan siya ḵanane, “Adim dusaon sanate naun-unane tagu. Te sa labi, inin-inopḵu mipanggob ḵan siya ya nampaḵaḻamonaḵ gapu ḵan siya.”

Luke 2:26

Sa awe, impaigammun ni Ispiritu Santu ḵan siyae adipun matoy inggana'ḵ ilana'ḵ Kristu we inkarin Apudyus.

Acts 10:22

Ḵananda, “Aḵ Kapitan Cornelius nangibuun ḵan diḵani'ḵ angayag ḵan siḵa te imbagan ni anghel Apudyus we ayagana siḵa ta dongngona da ibagam. Siya ḵad naun-unan ya isipogna'ḵ Apudyus ya mapatgan atta losane Judyu.”

Acts 4:19

Yaḵon ḵanan da Peter ḵan John we summongbat, “Ḵuwisonyu we mismu da long-agyu nu ustu si antotollong Apudyus we diḵayu tuttuwaonni baḵon nu aḵ Apudyus.

Acts 5:29

Yaḵon ḵanan da Peter ya da buḻunnae apostol we summongbat, “Ḵasapuḻane tuttuwaonni'ḵ Apudyus, daḵampun atta tagu.

1 Corinthians 3:19

Te sa nainlubungane ḵinalaing, dinodong-og ḵan Apudyus. Te awad de nigili ye Ugud Apudyus we ḵanana, “Sa usaron Apudyus aḵ angngogana'tta aginlalainge tagu, sa mismu we ḵinasiḵapda.”

Hebrews 11:7

Mipagapu si pammatin Noah, nandongoḻ atta imbagan Apudyus mipanggob atta banage maḵwa si umali ye aḻgawe daannapun yan ilan. Tinuttuwana'ḵ Apudyus woḵ nangwa'ḵ daḵoḻe bapur ta matagudae simbaḻyan. Gapu si pammatina, impailanae nankamali da tagu'tte lubunge adidapun amati ḵan Apudyus ya dusaon Apudyus oḵyan dida. Pun imbelang Apudyus aḵ naun-unan mipagapu si pammatina.

Hebrews 8:5

Sa ḵewaaḻ da papadi ḵais-isu ḵan aniniwan ni awad ad langit si igaw Apudyus. Te annapune ḵoon oḵyan Moses tuldae andaydayawanda, binagbagaan Apudyus woḵ ḵanana, “Ḵasapuḻane ummam unudon da losan sigun si ḵais-isun ni impailaḵ ḵan siḵa'tte inninggawam si beleg.”