Matthew 2:11 - Sa Ugud Apudyus

¹¹ Dummatongda ḵad atte boḻoy, nillumnoḵda woḵ innilada abeng ya aḵ Mary ye inana. Nanalluḵuda ta andayawda ḵan siya. Pun binuḵtanda da iiggaan da ampapatoge atodda woḵ innatodda ḵan siya buḻawan, sa ambangu we incenso we ngannonda frankincense ya sa ampatoge lanae ngannonda myrrh.

Matthew 2:11 Iomraidhean Croise

Matthew 1:18

Annaya ug-uggud ni niyanaḵan Jesu Kristu. Sa inanae aḵ Mary, nantuḻagdae an-asawada ḵan Joseph. Yaḵon sa daanda an-asaw-an, nabugi'ḵ Mary mipagapu si ḵabooḻan ni Ispiritu Santu.

Matthew 12:46

Sissiya ḵad aḵ Jesus we maḵaug-uggud atta tagu, dummatong aḵ inana ya da sunudna. Inninggawda'tte lasin woḵ ummoyda impaayag te piondae maḵaug-uggud ḵan siya.

Matthew 14:33

Pun awad ay osa ḵan didae inninggaw si bangka nandayaw ḵan siya, ḵananda, “Tuttuwae siḵa Abeng Apudyus.”

Matthew 2:2

Dummatongda ḵad, ḵanandae nan-imus, “Dinu abenge niyanaḵe arin da Judyu? Te innilani bituwone tummoḵwaḻ si ḵapon si dumingitan inite angipaigammu si niyanaḵana, pun ummali ḵani ta inḵani andayaw ḵan siya.”

Luke 2:16

Pune sadi, nangganasondae ummoy woḵ indasanda da Mary ḵan Joseph ya sa uttinge pinaobogda'tte ḵaḵaḵḵanan da baḵa.

Luke 2:38

Dummatong aḵ Anna woḵ innilana'ḵ Jesus, nanggappiya ḵan Apudyus. Inggan ni sadi, insaḻadnae angibagabaga'tta mipanggob ḵan siya'tta tagu we anguuway atte dumaḵngan ni anubut atta iJerusalem.

John 19:39

Aḵ Nicodemus we ummoy ḵan Jesus si sillabiyan. Nangawit aḵ bangbanglu we myrrh ya da aloe we batug di tuḻumpuḻu we kilo.

Revelation 19:10

Sa nangugudan ni anghel atte sadi, nanalluḵuwaḵe andayaw ḵan siya. Yaḵon ḵanana, “Adipun ḵasapuḻane ḵoom ḵaḵnat! Aḵ Apudyus abuse andayawam! Saḵon ḵad, anserserbiyaḵ ose isum ḵan Apudyus ya da susunudnu ḵan Kristu we sissiyae amati'tta impaigammun Jesus. Te da impaibagan ni Ispiritu Santu atta profeta, naḻpuda si impaigammun Jesus.”

Revelation 5:8

Innaḻana ḵad naḻuḵube ḵopel, ummoy losan da opate ḵingwam ya da duwampuḻu ya opate angipangpangu we nanalluḵu si sinagung ni Ubbu we Karnero. Sin-ossaossa ḵan dida nangdon aḵ arpae sa usarondae andayaw ya sa buḻawane maḻuḵunge napnu'tte incenso we luwaḻun da tagun Apudyus.