Matthew 19:11 - Sa Ugud Apudyus

¹¹ Ḵanan os Jesus, “Yaḵon daḵampun aḵ losane tagu maḵaḵwa si ḵaḵnat te abus aḵ maḵaḵwa da innattan Apudyus aḵ ḵaḻabbongan.

Matthew 19:11 Iomraidhean Croise

Matthew 13:11

Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Yaḵon ḵan dida, adinapun impaigammu.

Matthew 19:10

Ḵanan da disipuluna, “Nu ḵaḵnat maḵwa'tta an-asawa, un-unnoyna umadita angasawa.”

Matthew 19:12

Te sa lasune adin da tagu angasaw-an nansabasabali. Awad da udume laḻaḵi ye adipun angasawa gapu ta naḵawoyda. Awad da udume inggagaḻada impaḵaan maḻpuwan ni maganaḵanda. Ḵad awad da udume adipun angasawa gapu si anserbiyanda ḵan Apudyus si ampangatana. Sa tagu we ḵallabbong anuttuwa si sanae tuttudu, ambaḻu oḵyan nu ḵoona.”

1 Corinthians 7:17

Sa osae namati, pagatupana oḵyan ḵasasaadna si namatiyana te sanat innatod Apu ḵan siya'tte timpu we namiliyan Apudyus ḵan siyae amati ḵan Jesus. Sana da imbilinḵu'tta losane gimung da namati.

1 Corinthians 7:2

Yaḵon gapu ta adu da nasulisuge nangadaḻug atta daḵampun aḵ asawada, un-unnoyna nu sa laḻaḵi ḵan bubai awad oḵyan asawada.

1 Corinthians 7:35

Ibagaḵ ḵan diḵayu anna, daḵampun aḵ iyadiḵ angasawa ḵayu. Yaḵon imbagaḵ sadi para'tte bumaḻuwanyu we mismu. Te pioḵe igammuwonyu ustu we antatagu ya iyossaanyu we anserbi ḵan Apu we naippun matupodanyu.