Matthew 18:9 - Sa Ugud Apudyus

⁹ Ḵad nu sa atam gapun ni maḵabasuḻam, uḵitom ya imballum. Te unnoyna paḵing atam ya inḵa si biyag aḵ inggana'd langit nu sa wadawad duwae atam ya miballuḵa si gumilgillayabe apuy ad infiernu.”

Matthew 18:9 Iomraidhean Croise

Matthew 16:26

Te ngai ḵad ain maganab ni tagu nu anḵuwana da losane binaḵnang atte lubung yaḵon taḻaḵona ḵalidodwana ya madusa'ḵ inggana? Naippun! Te naippun maḵwa'ḵ ipasanin ni tagu'tte biyagna.

Matthew 18:8

Nu sa imam baḵon nu sa suḵim gapun ni maḵabasuḻam, puttam ya imballum. Te unnoyna paḵing imam ya sa suḵime umoy si biyag aḵ inggana nu sa wadawad duwae imam baḵon nu suḵim ya miballuḵa si gumilgillayabe apuy aḵ inggana.

Matthew 19:17

Ḵanan Jesus, “Ngaipam imuson ḵan saḵon mipanggob si ambaḻu? Abus aḵ Apudyus aḵ ambaḻu. Nu piome awad ḵan siḵa biyag aḵ inggana, ḵasapuḻane tuttuwaom da losane bilinna.”

Matthew 5:22

Yaḵon sa ibagaḵ ḵan diḵayu, ngaimane sumasanga si asintataguna maḵuwis ḵan maḵoddongan aḵ madusa. Ngai ḵad ose angibabbain atte asintatagunae ḵanana, ‘Ippun paat silbim,’ midaḻum atta ḵuḵunsisaḻ. Isun os da ḵanandae, ‘Dong-ogḵa,’ inḵa si apuy ad infiernu.

Matthew 5:29

Pun nu sa madawinane atam gapun ni maḵabasuḻam, uḵitom ya iballum! Te unnoyna paḵing atam nu sa miballu nabubuḵḵoḻe long-agnu'd infiernu.

Mark 9:47

Ḵad nu sa atam gapun ni maḵabasuḻam, uḵitom. Te unnoyna paḵing atame midoga si ampangatan Apudyus nu sa wadawad duwae atam ya miballuḵa'd infiernu.

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Hebrews 4:11

Igga taḵu ḵabooḻan taḵu we maḵaḻnoḵ atte sadi ye umillongan ta ippun osa ḵan ditaḵu'ḵ adi maḵaḻnoḵ gapu si adi taḵu tumuttuwaan.

Revelation 21:27

Yaḵon naippun maḵaḻnoḵ atta ngaimane ibelang Apudyus aḵ ḵaissawe isun da angwa'tta ampabain ya da losane tuliyan yaḵon abus da nigili da ngadanda si iblun ni Ubbu we Karnero we nigiliyan da awad da biyagda'ḵ inggana'ḵ maḵwae lumnoḵ.