Matthew 18:24 - Sa Ugud Apudyus

²⁴ Anna ḵade isaḻadnae ansingir, indatongda ḵan siya osae sammilu we nautangan aḵ adu we millione pilaḵ.

Matthew 18:24 Iomraidhean Croise

Matthew 18:23

Te sa ampangatan Apudyus mipani'tte osae ari ye simsimmoḵnae ansingir atta utang da sammiluna ḵan siya.

Matthew 18:25

Naippun ḵad ambayad ni sadi ye sammilu si utangna, imbilin ni ari ye ḵasapuḻane mingina da losane simbaḻyan ya da losane ḵuḵuwada ta ambayadna'tte utangna.

Matthew 25:15

Pun sinin-ossana dida innattan, sigun si ḵabooḻanda. Sa intaḻgodna si ummuna, limallibu we palata. Sa ḵumagwa, intaḻgodna duwallibu we palata ḵad sa naudi, intaḻgodna sillibu we palata. Pun ummoyon.

Matthew 25:16

“Ḵingwan ḵad ni naittan aḵ limallibu we palata, innigusunae dagus woḵ naḵagalansiya bos aḵ limallibu we palata.

Matthew 25:20

Pune sadi, ummoy nitaḻgodan ni limallibu we palata si Apuna woḵ innawitna limallibu we palatae naitod ḵan siya ya sa limallibu we palatae galansiyana. Ḵanana si Apuna, ‘Apu, limallibu we palata intaḻgodnu ḵan saḵon. Pun annaya bos limallibu we palatae galansiyaḵ.’

Matthew 25:22

“Pun ummoy os nitaḻgodan ni duwallibu we palata woḵ ḵanana, ‘Apu, duwallibu we palata intaḻgodnu ḵan saḵon, annaya bos duwallibu we palatae galansiyaḵ.’

Matthew 25:24

“Nagangput ḵad, ummoy nitaḻgodan ni sillibu we palata woḵ ḵanana, ‘Apu, igammuḵe sangngaanḵae tagu te aniyom daḵampun aḵ inayongnu ya aniyom daḵampun aḵ iyyosoḵnu.

Luke 13:4

Isuna bos da nasawaḻan aḵ waḻu we tagu we natoy atte niḵuḻ-uban ni antaḵnange boḻoy ad Siloam. Atte ḵasomsomḵanyu, nadagdagson basuḻda nu da losane iJerusalem?

Luke 16:5

“Pun inayagana sin-ossa'tta naḵautang atte apuna. Ḵanana si ummuna, ‘Piga utangnu'tte apuḵ?’

Luke 16:7

Ḵanana bos atte osa, ‘Siḵa ḵad, piga bos utangnu?’ Ḵanana, ‘Sillibu we saḻube wheat.’ Pun ḵanan ni antangḵon, ‘Annaya listaannu we aḻam ya igilime waḻun gasute saḻub.’