Matthew 17:18 - Sa Ugud Apudyus

¹⁸ Pun sinuppaḵan Jesus aḻan woḵ pinaḻyawna ta tenana abeng woḵ tinenan ḵad ni aḻan, daguse naḵaan saḵitna.

Matthew 17:18 Iomraidhean Croise

Matthew 12:22

Naabus ḵad, indatongda ḵan Jesus naḵuḻap ya naumoḻ te naaḻanan. Pinaḻyawna ḵad aḻan, naḵaginga ḵan nadiyat atana.

Matthew 15:28

Ḵanan Jesus, “Bubai, ampigsa pammatim! Ḵad gapu'tte sadi, maatod de ḵindawnu.” Pun sa nangibag-ana, daguse lummawa aḻan si abengnae babaḻasang.

Matthew 17:17

Ḵanan Jesus we summongbat, “Diḵayu we ippun pammatiyu ḵan lawwelawweng somsomoḵyu we tagu si sanae lunap! Ḵamaan ni inggawaḵ ḵan diḵayu ya asi ḵayu amati ḵan saḵon? Ḵamaan ni ampatinggaan ni anusḵu ḵan diḵayu?” Ḵanana'tte aman ni abeng, “Idatongnu abeng ḵan saḵon.”

Matthew 17:19

Pune sadi, ummabus ḵad aḵ Jesus ya da disipuluna, iyyaggaḵawda ḵanane nangimus ḵan siya, “Ngaipa ḵani adi maḵapaḻyaw atte sadi ye aḻan?”

Matthew 9:22

Nantawili ḵad aḵ Jesus, innilana bubai woḵ ḵanana, “Abengḵu, papigsaom somsomoḵnu. Gapu'tte pammatim ḵan saḵon, bummaḻuḵa.” Pune sadi, daguse bummaḻu.

Mark 1:34

Pun ḵinaanna da losane kalasin da saḵitda ya pinaḻyawna bos da aḻan atta naaḻanan yaḵon pinaginoḵna didae an-ugud te inigammuda'ḵ Jesus.

Mark 5:8

Imbagana ḵaḵnat te innilan ḵad Jesus sadi ye laḻaḵi, ḵananae namaḻyaw, “Siḵae aḻan, ḵumassadḵa!”

Luke 4:41

Pinaḻyawna bos da aḻan atta adu we naaḻanan. Lummawada ḵad, ḵanandae simbobogga, “Siḵa Abeng Apudyus!” Sinang-an Jesus dida woḵ adinapun dida iyyunude an-uguugud te iniiggammudae siya Kristu.

Luke 9:42

Ummadani ḵad abeng, pinittuwaḵ ni aḻan woḵ nabilaw. Yaḵon sinuppaḵan Jesus ḵan pinaḻyawna aḻan woḵ lummin-awa abeng. Pun innatod Jesus si amana.

Acts 16:18

Adu aḻgawe nangwaana'tta ḵaḵna inggana'ḵ nappog aḵ Paul. Nantawili si babaḻasang woḵ ḵanana si aḻan, “Gapu'tte ḵabooḻan Jesu Kristu, ibagaḵ ḵan siḵa lumawaḵa ḵan siya!” Pun daguse lummawa aḻan.