Matthew 16:24 - Sa Ugud Apudyus

²⁴ Pun ḵanan Jesus atta disipuluna, “Ngaimane pionae mitun-ud ḵan saḵon, ḵasapuḻane an-awidana long-agna, buḵudona de krosna ya mitun-ud ḵan saḵon.

Matthew 16:24 Iomraidhean Croise

Matthew 10:38

Ḵad ngaimane adinapun bubuḵḵudon de krosna ya maḵasaganae ampaḵaḻam ḵan matoy ta mitun-ud ḵan saḵon, adipun paat mibelang aḵ disipuluḵ.

Matthew 27:32

Inninggawda ḵad atte daḻane naḻpu'tte siyudad, inabotda tagu we nangngadan aḵ Simon we iCyrene. Pun impatut da suḻdadu impabuḵud ḵan siya de kros Jesus.

Mark 10:21

Naayatan aḵ Jesus we nangitotollong ḵan siya woḵ ḵanana, “Os-ossaan nangkurangam. Inḵa ingina da ḵuḵuwam ya ittom bayadda'tta ḵapus woḵ awad de binaḵnangnu we indulin Apudyus ad langit. Ḵad umaliḵa, tun-udonaḵ.”

Mark 15:21

Sa inggawanda si daḻan, inabotda'ḵ Simon we iCyrene, sa aman da Alexander ḵan Rufus we naḻpu'tta ili ye umoy si siyudad. Impatutdae buḵudona de kros Jesus.

Mark 8:34

Pun inayagan Jesus da adu we tagu ya da disipuluna woḵ ḵanana, “Ngaimane pionae angunud ḵan saḵon, ḵasapuḻane an-awidana long-agna, buḵudona de krosna ya mitun-ud ḵan saḵon.

Luke 14:27

Ḵad ngaimane adinapun bubuḵḵudon de krosna ya maḵasaganae ampaḵaḻam ḵan matoy ta mitun-ud ḵan saḵon, adipun mibelang aḵ disipuluḵ.

Luke 23:26

Pun sa nangitallayanda ḵan siya, dinoḵmaanda'ḵ Simon we iCyrene we naḻpu'tta ili ye umoy atte siyudad woḵ impabuḵudda de kros ta mitun-ud ḵan Jesus.

John 19:17

Pun innaḻan da suḻdadu'ḵ Jesus woḵ intallayda si lasinna'd Jerusalem we impabuḵudda ḵan siya de krosna inggana'ḵ dummatongda si “Lugar ni Battuḵag” we ngannonda Golgotha atte Hinebrew.

John 21:19

Imbagan Jesus sana ta ipaigammuna inon Peter we matoy ta midayaw aḵ Apudyus. Ḵanana ḵan Peter, “Tun-udonaḵ.”

John 21:22

Ḵanan Jesus, “Nu pioḵe sissiyae matagu inggana'ḵ mipauliyaḵ, ngai ḵad ain biyangnu? Tun-udonaḵ!”

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

1 Thessalonians 3:3

ta adi ḵayu madismaya gapu'tta ampaḵaḻamanyu. Inigammuyu we niḵoddonge ampaḵaḻam taḵu.

2 Timothy 3:12

Sa ḵatuttuwaan, losan atta pionda unudon naapudyusane biyag gapu si niyossaananda ḵan Jesu Kristu, ampaḵaḻamda.

1 Peter 2:21

Te pinilin Apudyus diḵayu ta siya unudonyu ḵaḵnate antatagu. Te nampaḵaḻam os aḵ Kristu para ḵan diḵayu ḵad impailana antatagu we unudonyu oḵyan.