Matthew 16:21 - Sa Ugud Apudyus

²¹ Inggan ni sadi ye timpu, insaḻad Jesus we angibagabaga'tta disipuluna mipanggob si maḵwa ḵan siya'tte umali ye aḻgaw woḵ ḵanana, “Ḵasapuḻane iyyaḵ ad Jerusalem ya ampaḵaḻamonaḵ atta pallakayon da Judyu ya da papangat da papadi ya da mimistulun ni lintog. Ḵade sadi impagongatda saḵon yaḵon sa miḵaḵlu we aḻgaw, taguwon Apudyus saḵon.”

Matthew 16:21 Iomraidhean Croise

Matthew 12:40

Te aḵ Profeta Jonah, inninggaw atte buwang ni daḵodaḵoḻe ugadiw si tuḻun aḻgaw ya tuḻun labi. Siya isun ni maḵwa ḵan saḵone Abeng Di Tagu. Inggawaḵ os si libon aḵ tuḻun aḻgaw ya tuḻun labi.

Matthew 16:22

Ḵingwan ḵad Peter, imbattawana'ḵ Jesus woḵ insaḻadnae anuppaḵ ḵan siya. Ḵanana, “Apu, adin oḵyan Apudyus iyunud sadi ye imbagam! Adipun oḵyan maḵwa da anna ḵan siḵa.”

Matthew 16:28

Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

Matthew 17:12

Yaḵon sa ibagaḵ ḵan diḵayu, nagangput ummali'ḵ Profeta Elijah. Da tagu ḵad, adidapun naḵaimatun ḵan siya yaḵon ḵingwada pionda ḵoon ḵan siya. Isuna bose ampaḵaḻamonda saḵone Abeng Di Tagu.”

Matthew 17:9

Nan-osogda ḵad, ḵanan Jesus we namilin atta disipuluna, “Adiyu ugudon atta ngaiman da innilayu, inggana'ḵ taguwon Apudyus saḵone Abeng Di Tagu.”

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Matthew 26:2

“Igammuyu we aḵ osan ḵabigatna Gayagayan da Judyu we ngannon taḵu Nallausan. Ḵad Saḵone Abeng Di Tagu, mipuḻangaḵ ta mipattoḻaḵ atte kros.”

Matthew 26:47

Sissiya ḵade an-uguugud aḵ Jesus, nadanatong aḵ Judas we osa'tta nasawaḻan aḵ duwae disipuluna. Inninggaw da amode tagu we nibuḻun ḵan siyae nampaḵ-odon aḵ ispada ḵan pang-oḵ. Da papangat da papadi ya da pallakayon da Judyu nangibuun ḵan dida.

Matthew 27:12

Yaḵon taḵon ay nu pabasuḻon da papangat da papadi ya da pallakayon da Judyu, adipun paat summongbat aḵ Jesus.

Matthew 27:63

Ḵananda ḵan Gobernor Pilate, “Apu, inḵagasmoḵni ye sa sissiyae matattaguwan ni sanate tuliyan, ḵanana, ‘Umuli nu maḻaḵpus tuḻun aḻgaw.’

Matthew 28:6

Naippun sina te tinagun Apudyus ḵasin, siya imbagana ḵan diḵayu. Awwayyu, inḵayu ilan nibadongana.

Mark 8:31

Pune sadi insaḻad Jesus we nangituttudu'tta disipuluna nu ngai maḵwa ḵan siya'tte umali ye aḻgaw. Ḵanana, “Saḵone Abeng Di Tagu, ḵasapuḻane ampaḵaḻamaḵ. Da pallakayon da Judyu, da papangat da papadi ya da mimistulun ni lintog, idiyanda saḵon ya gongatonaḵ. Ḵad sa miḵaḵlu we aḻgaw, mataguwaḵ ḵasin.”

Mark 9:12

Ḵanan Jesus, “Sa tuttududa tuttuwae umuna'ḵ Profeta Elijah umali ta umoyna iyuḻnus da losan. Awad os si nigili ye Ugud Apudyus mipanggob ḵan saḵone Abeng Di Tagu. Sa imbagana, ḵasapuḻane ampaḵaḻamaḵ ya am-amsewonda bos saḵon.

Luke 17:25

Yaḵon ḵasapuḻane umunae ampaḵaḻamaḵ ya idiyan da tagu saḵon sinsana.”

Luke 24:46

Ḵanana ḵan dida, “Annaya nigili: Ḵasapuḻane ampaḵaḻam ya matoy Kristu ḵad matagu'tte miḵaḵlu we aḻgaw.