Matthew 16:13 - Sa Ugud Apudyus

¹³ Dummatong ḵad da Jesus atte saḵub ni Caesarea Philippi, ḵanana'tta disipuluna, “Ngaiyaḵe Abeng Di Tagu atte ḵasomsomḵan da tagu?”

Matthew 16:13 Iomraidhean Croise

Matthew 12:32

Ḵad ngaimane an-ugud aḵ lawweng si mipanggob ḵan saḵone Abeng Di Tagu, maḵwae pakawanon Apudyus. Yaḵon sa angamsew atte mipanggob si Ispiritu Santu, adipun maḵwae pakawanon Apudyus sinsadi ya sa umali ye timpu.”

Matthew 12:40

Te aḵ Profeta Jonah, inninggaw atte buwang ni daḵodaḵoḻe ugadiw si tuḻun aḻgaw ya tuḻun labi. Siya isun ni maḵwa ḵan saḵone Abeng Di Tagu. Inggawaḵ os si libon aḵ tuḻun aḻgaw ya tuḻun labi.

Matthew 12:8

Pun ḵanan Jesus we nangiyanungus, “Saḵone Abeng Di Tagu, anna ḵaḻabbongaḵ atta maḵwa si umillongan.”

Matthew 13:37

Ḵanan Jesus, “Sa nangimuḻa'tta pagoy, saḵone Abeng Di Tagu.

Matthew 13:41

Te saḵone Abeng Di Tagu, ibuunḵu da anghelḵu ta umoyda dagupon da losane tagu we gapun ni maḵabasuḻan da buḻunda ya da losane adipun tumuttuwa'tta pinion Apudyus. Miyadayuda'tta tagu we ipangataḵ.

Matthew 15:21

Pun tinenan da Jesus sidi woḵ ummoyda'tta ili ye saḵubna'd Tyre ḵan Sidon.

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Matthew 16:28

Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

Matthew 25:31

Pun pinagatupan Jesus woḵ ḵanana, “Nu umaliyaḵe Abeng Di Tagu, maila nakaskasdaawe ḵinaapudyusḵu ya buḻunḵu da adu we anghel ḵad tumuḵduwaḵ atte tronoḵe an-ari.

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

Matthew 9:6

Yaḵon ipailaḵ ḵan diḵayu ta igammuwonyu we saḵone Abeng Di Tagu, anna ḵaḻabbongaḵ sina'd lutae amakawan atta basuḻ da tagu.” Ḵanana'tte naparalaes, “Bumangonḵa, aḻam bulignu ta inḵan si boḻoyyu.”

Mark 10:45

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Mark 8:38

Ngaimane angibain ḵan saḵone Abeng Di Tagu ya da tuttuduḵ si sanae ḵabasbassuḻane lunap, ibainḵu bos dida nu mipauliyaḵ ad luta. Te nu mipauliyaḵ buḻunanaḵ atta nasantuwane anghel ya ipailaḵ dayaw Amaḵ.”

John 1:51

Pun ḵanana bos ḵan dida, “Ibagaḵ ḵan diḵayu ḵatuttuwaan, sa umali ye aḻgaw asiyu ilane mabuḵatan ad langit ḵad ilanyu da anghel Apudyus we ngumatu ḵan dumoḻa ḵan saḵone Abeng Di Tagu we naḻpu'd langite niyanaḵ sina'd luta.”

John 12:34

Pun ḵanan da amode tagu, “Sa igammuni'tte lintog taḵu, aḵ Kristu matagu'ḵ inggana. Pun ngai inonae ḵaname ḵasapuḻane mipangatu Abeng Di Tagu? Ngai ḵad ain annae Abeng Di Tagu?”

John 3:14

Sa ḵingwan Moses, intayagna gambange sinan-uḻog si inninggawanda'tte bumbummaaw. Sadi isun ni maḵwa ḵan saḵone Abeng Di Tagu we ḵasapuḻane mitaḻayag,

John 5:27

Innatodna bos ḵaḻabbongaḵe anḵuwis te saḵon Abeng Di Tagu.

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 7:56

Pun ḵanana, “Ilanyu ḵad! Ilaḵ ad langite nabuḵtan ya sa Abeng Di Tagu we naḻpu'd langite niyanaḵ sina'd lutae sisiḵad atte madawinan Apudyus.”