Matthew 16:1 - Sa Ugud Apudyus

¹ Dummatongda ḵad, inninggaw da udume Pharisee ya da Sadducee ye ummoy ḵan Jesus ta padasonda siḵapan. Pun ḵananda, “Angipailaḵa ud ḵan diḵani'tta nakaskasdaawe sinyal aḵ angigammuwanni ye aḵ Apudyus ad langit nangibuun ḵan siḵa.”

Matthew 16:1 Iomraidhean Croise

Matthew 12:14

Pun ummoyon da Pharisee woḵ umoyda an-uugud si inondae angongat ḵan Jesus.

Matthew 15:1

Sin-aḻgawan ḵad, ummoy da Pharisee ya da mimistulun ni lintoge naḻpu'd Jerusalem ḵan Jesus woḵ ḵananda,

Matthew 16:6

Ḵanan Jesus ḵan dida, “Ummanyu ta adi ḵayu maalisan atte yeast da Pharisee ya da Sadducee.”

Matthew 19:3

Pun ummoy da udume Pharisee ḵan Jesus ta padasonda siḵapan woḵ ḵananda ḵan siya, “Iyunud ḵamman ni lintoge idangan ni laḻaḵi asawana taḵon ay nu ngai ye gapu?”

Matthew 22:15

Pune sadi ḵesan da Pharisee woḵ ummoyda nantutuḻag si inondae anoḵma ḵan Jesus gapu'tta inugudna.

Matthew 22:18

Yaḵon igammun Jesus we lawweng panggobda, pun ḵanana ḵan dida, “Diḵayu we ḵapappaila! Ngaipayu saḵon siḵapan?

Matthew 22:23

Sa sadi ye aḻgaw, ummoy da udume Sadducee ḵan Jesus woḵ nan-imusda ḵan siya. Dida osae grupun da Judyu we adipun amati ye umuli da matoy.

Matthew 23:2

“Da mimistulun ni lintog ya da Pharisee, anna ḵaḻabbongandae angipaḵaawat atte lintoge innatod Apudyus ḵan Moses.

Matthew 27:62

Ḵasin ḵade bigbigat si nagangput ansaganaan da Judyu para'tte umillongane sa mabigat, ummoy da papangat da papadi ya da Pharisee ḵan Gobernor Pilate.

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

Matthew 9:11

Innilan ḵad da Pharisee dida, ḵananda'tta disipulun Jesus, “Ngaipa mistuluyu maḵaḵan atta andadagup atta bugis ya da udume ḵabasbassuḻan?”

Mark 10:2

Inninggaw os da Pharisee ye ummoy namadas ḵan siya woḵ ḵananda, “Iyunud ḵamman ni lintog taḵu we idangan ni laḻaḵi asawana?”

Mark 12:15

Yaḵon inigammun Jesus we siḵapanda woḵ ḵanana, “Ngaipayu pappadason saḵon? Angidatong ḵayu ud aḵ ossaane palata ta ilaḵ.”

Mark 12:18

Pun ummoy da udume Sadducee ḵan Jesus. Dida osa'tta grupun da Judyu we adipun amati ye umuli da matoy. Ḵananda,

Luke 10:25

Inninggaw osa ḵan didae nalainge mistulun ni lintoge tummaḵdog woḵ ḵananae namadas ḵan Jesus, “Mistulu, ngai ambaḻu we ḵooḵ ta ittanaḵ ḵan Apudyus atte biyag aḵ inggana?”

Luke 11:16

Da udum ḵad os, pionda padason aḵ Jesus, pun ḵindawdae ḵoona nakaskasdaawe maḻpu'd langit ta mapanoḵnoḵane aḵ Apudyus nangibuun ḵan siya.

Luke 20:23

Yaḵon inigammun Jesus siḵapda woḵ ḵanana ḵan dida,

Luke 20:27

Pun ummoy da udume Sadducee ḵan Jesus woḵ nan-imusda ḵan siya. Dida osae grupun da Judyu we adipun amati ye umuli da matoy.

John 8:6

Ḵaḵna im-imusda te pionda padason aḵ Jesus ta ngai ḵad de isongbatna siya ambatayandae angidaḻum ḵan siya. Yaḵon nangwa ḵad aḵ Jesus, ummobaob woḵ nanggilina tammuduna si gabu.

Acts 4:1

Sissiya ḵade an-uguugud da Peter ḵan John atta tagu, dummatong da papadi, da Sadducee ya sa kapitan da guwaḻda'tte templo.

Acts 5:17

Yaḵon da ḵangatuwane padi ya da losane grupun da Sadducee, amod de aposda'tta apostol.

1 Corinthians 1:22

Te da Judyu, ḵasapuḻan da awad mipaila'ḵ nakaskasdaaw aḵ amatiyanda. Ḵad da Gentil, siya singtonda ḵinalaing.