Matthew 15:28 - Sa Ugud Apudyus

²⁸ Ḵanan Jesus, “Bubai, ampigsa pammatim! Ḵad gapu'tte sadi, maatod de ḵindawnu.” Pun sa nangibag-ana, daguse lummawa aḻan si abengnae babaḻasang.

Matthew 15:28 Iomraidhean Croise

Matthew 14:31

Pun daguse indawawan Jesus imana ḵan Peter woḵ doḵmaana. Ḵanana, “Aḵit pammatim! Ngaipaḵa anduwaduwa?”

Matthew 15:27

Ḵanan ni bubai, “On Apu, yaḵon taḵon ay da asu ḵanonda da dadaḵon ni apuda nu anganda.”

Matthew 8:10

Dingngoḻ ḵad Jesus da imbagana, nasdaaw woḵ ḵanana'tta nibuḻun ḵan siya, “Ibagaḵ ḵan diḵayu ḵatuttuwaan, naippun paat indasanda'ḵ tagu'ḵ ampigsapigsa pammatina'd Israel aḵ isun ni pammatin ni annae tagu.

Matthew 8:13

Ḵanan Jesus si kapitan, “Mipauliḵa te mituttuwa pinatim.” Pun daguse ḵummosdoḻ sammiluna si sadi ye nangibag-ana.

Matthew 9:22

Nantawili ḵad aḵ Jesus, innilana bubai woḵ ḵanana, “Abengḵu, papigsaom somsomoḵnu. Gapu'tte pammatim ḵan saḵon, bummaḻuḵa.” Pune sadi, daguse bummaḻu.

Mark 5:34

Ḵanan Jesus ḵan siya, “Abengḵu, gapu'tte pammatim ḵan saḵon, bummaḻuḵa. Inḵan lumin-awa somsomoḵnu ḵad adipun ogon mipauli saḵitnu.”

Luke 17:5

Pun ḵanan da apostol ḵan siya, “Apu, papigsaom ḵappos da pammatini.”

Luke 7:50

Ḵanan Jesus atte bubai, “Sa pammatim gapun ni mataguwam. Inḵan lumin-awa somsomoḵnu!”

Luke 7:9

Dingngoḻ ḵad Jesus da imbagana, nataag woḵ ḵanana'tta nibuḻun ḵan siya, “Annaya ibagaḵ ḵan diḵayu, naippun paat indasaḵ aḵ tagu'ḵ ampigsapigsa pammatina'd Israel aḵ isun ni pammatin ni annae tagu.”

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.