Matthew 14:31 - Sa Ugud Apudyus

³¹ Pun daguse indawawan Jesus imana ḵan Peter woḵ doḵmaana. Ḵanana, “Aḵit pammatim! Ngaipaḵa anduwaduwa?”

Matthew 14:31 Iomraidhean Croise

Matthew 14:30

Yaḵon giniḵnana ḵade amod de pigsan ni bibbid, naḵimtan woḵ insaḻadnae milisob. Pun daguse nampoḵaw woḵ ḵanana, “Apu, taguwonaḵ!”

Matthew 14:32

Unipun, summaḵayda ḵad atte bangka, daguse naḵaginoḵ ampigsae bibbid.

Matthew 16:8

Inigammun Jesus da inugudda woḵ ḵanana ḵan dida, “Aḵit pammatiyu! Ngaipa ḵayu ambinsaw atte adiḵayupun nangawit aḵ ḵanonyu?

Matthew 17:20

Ḵanan Jesus we summongbat, “Gapu'tte aḵit pammatiyu. Ibagaḵ ḵan diḵayu ḵatuttuwaan, nu awad aḵit aḵ pammatiyu'ḵ isun ni ḵapeet ni buḵoḻ ni mustasa, maḵwa ḵananyu'tte beleg, ‘Miyatunḵa'tte andi,’ ḵad tuttuwae an-atun. Te lamogyu ḵoon da ngaiman.

Matthew 6:30

Pun nu ḵaḵnat itton Apudyus we binaḻun da lumune matagu sinsadi ya appigat miballuda si apuy, aaddi ye ittona bos da silupe ḵasapuḻanyu. Diḵayu ḵad, ngaipa aḵit pammatiyu?

Matthew 8:26

Ḵanan Jesus, “Ngaipa ḵayu maḵimut? Naippun ḵamman pammatiyu?” Pun tummaḵdog woḵ binilinna da bibbid ya da tupiyaḵ ta guminoḵda. Pun ḵawagase gumminoḵda.

Mark 1:31

Ummadani woḵ innonnana imana ta badanganae bumangon. Pune sadi, daguse naḵaan atungna woḵ paḵanana da Jesus.

Mark 1:41

Aḵ Jesus ḵad, ḵinadaguwana woḵ indawawana imana woḵ inappadana pun ḵanana, “On, pioḵ! Maḵaan saḵitnu!”

Mark 11:23

Ibagaḵ ḵan diḵayu ḵatuttuwaan, nu amati ḵayu we adipun anduwaduwa si pusuyu we mituttuwa da ibagayu, maḵwae ḵananyu'tte annae beleg, ‘Ḵumassadḵa ya an-atunḵa si baybay,’ ḵad aaddi ye mituttuwa.

Mark 16:7

Inḵayu ibaga ḵan Peter ya da udume disipulunae ummuna'ḵ Jesus ummoy atte probinsiya'd Galilee nu diḵayu. Ilanyu sidi te siya imbagana.”

Mark 4:40

Ḵanana'tta disipuluna, “Ngaipa ḵayu maḵimut? Ippun ḵamman pammatiyu inggana sinsadi?”

Mark 5:41

Pune sadi, innonnana imana woḵ ḵanana'tte ugudda, “Talitha koum.” Sa piona ugudon, “Babaḻasang, bumangonḵa.”

Luke 24:34

woḵ ḵananda, “Tuttuwae natagu'ḵ Apu woḵ nampaila ḵan Simon!”

Acts 4:30

Ipailam ḵabooḻame angaan atta saḵit ya angwa'tta nakaskasdaaw mipagapu'tte ḵabooḻan Jesus we nasantuwane sammilum.”

1 Timothy 2:8

Ḵad pioḵe da losane gimungyu we namati, alluwaḻu da laḻaḵi. Ḵasapuḻane ampoḻḵas somsomoḵda ya adidapun bumasuḻ ya ippun oḵyan summang-anda baḵon nu maḵasuboganda nu ingatuda imadae alluwaḻu.

1 Peter 1:5

Gapu'tte ḵabooḻan Apudyus, ayyuwanana diḵayu mipagapu'tte pammatiyu ḵan siya inggana'ḵ mituttuwa anaguwana ḵan diḵayu. Inabusna insagana sanate mataguwane ipailana nu anungus ni timpu.