Matthew 14:19 - Sa Ugud Apudyus

¹⁹ Pun binilinna da tagu ta tumuḵduda si lullumun woḵ innaḻana limae tinapay ya sa duwae ugadiw woḵ nantangad ad langite nanggappiya ḵan Apudyus. Pun binisbisaḵna tinapay ya da ugadiw woḵ innatodna'tta disipuluna ta iwaḻasda.

Matthew 14:19 Iomraidhean Croise

Matthew 14:18

Ḵanan Jesus, “Idatongyu dida ḵan saḵon.”

Mark 6:39

Pun imbaganae patuḵduwonda da tagu ta mataḻtaḻbubungda si tuttuḻni.

Mark 6:41

Naabus ḵad, innaḻan Jesus limae tinapay ya sa duwae ugadiw woḵ nantangad ad langite nanggappiya ḵan Apudyus. Pun binisbisaḵna da tinapay ya da ugadiw woḵ innatodna'tta disipuluna ta iwaḻasda.

Mark 7:34

Pun nantangad ḵad aḵ Jesus ad langit, ummag-os woḵ ḵanana, “Ephphatha,” we sa piona ḵanan, “Mabuḵatanḵa.”

Luke 22:17

Pun innaḻan Jesus tasae naḵuan atte bayase grape woḵ ḵananae nanggappiya ḵan Apudyus, “Aḻanyu anna ta an-at-atabanyu.

Luke 22:19

Pun innaḻana bos tinapay woḵ nagangput ḵad nanggappiya ḵan Apudyus, binisbisaḵna woḵ ḵananae nangitod ḵan dida, “Sana long-agḵu we ittoḵ ḵan diḵayu. Pasigyu ḵoon ḵaḵna ta angiḵagasmoḵanyu ḵan saḵon.”

Luke 24:30

Tummuḵduda ḵade angan, innaḻan Jesus tinapay, nanggappiya ḵan Apudyus woḵ binisbisaḵna woḵ innatodna ḵan dida.

Luke 9:14

Imbagada ḵaḵna te umoye limallibu da laḻaḵi, adipun niyiyap da bubai ya da abeng. Pun ḵanan Jesus atta disipuluna, “Patuḵduwonyu taḻbubungon dida'ḵ sillilimampuḻu.”

Luke 9:16

Pune sadi, innaḻan Jesus limae tinapay ya sa duwae ugadiw woḵ nantangad ad langite nanggappiya ḵan Apudyus. Pun binisbisaḵna tinapay ḵan ugadiw woḵ innatodna'tta disipuluna ta iwaḻasda.

John 11:41

Pune sadi, ḵinaanda batu. Ḵanan Jesus we nantangad, “Ama, anggappiyaaḵ ḵan siḵa te dingngoḻnu saḵon.

John 6:23

Pune sadi, dummatong da udume bangkae naḻpu'd Tiberias woḵ dummaḵaḻda'tte adani si nanganan da tagu'tte tinapay si nanggappiyaan Jesus ḵan Apudyus.

Acts 27:35

Naabus ḵade imbagan Paul sadi, innaḻana tinapay woḵ nanggappiya ḵan Apudyus si sinagung da losan. Pun binisbisaḵna woḵ insaḻadnae nangan.

Romans 14:6

Sa tagu we patgana osae aḻgaw, ḵoona ḵatti aḵ anayawana ḵan Apudyus. Isun os ni osae angan atta baḻangnae maḵan, ḵanona'ḵ anayawana ḵan Apudyus te anggappiyaana ḵan siya. Ḵad isun os ni adi angan atta baḻangnae maḵan, ḵoona ḵatti'ḵ anayawana ḵan Apudyus te anggappiyaana ḵan siya.

1 Corinthians 10:16

Nu uminum taḵu'tte nabasu we bayas, nu maabus taḵu we anggappiya ḵan Apudyus, daḵampun ḵamman aḵ milaḵ-am taḵu'tte bindisyune mipagapu'tte pummoy-ase daḻan Kristu si natoyana? Pun nu ḵanon taḵu tinapaye nabisbisaḵ nu magangput taḵu anggappiya ḵan Apudyus, daḵampun ḵamman os aḵ milaḵ-am taḵu'tte bindisyune mipagapu'tte long-ag Kristu we nipattoḻ atte kros?

1 Corinthians 10:31

Yaḵon sa ibagaḵ ḵan diḵayu, da losane ḵoonyu taḵon ay angananyu ḵan uminumanyu ḵoonyu'ḵ madayawan Apudyus.

1 Corinthians 11:24

woḵ nanggappiya ḵan Apudyus. Binisbisaḵna woḵ ḵanana, “Annaya long-agḵu we midatun para ḵan diḵayu. Pasigyu ḵoon ḵaḵna ta angiḵagasmoḵanyu ḵan saḵon.”

Colossians 3:17

Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.