Matthew 13:52 - Sa Ugud Apudyus

⁵² Ḵanan Jesus ḵan dida, “Maawatanyu ḵammane nu awad mistulun ni lintog aḵ amati si ituttuduḵ mipanggob si ampangatan Apudyus, mipani'tte sinḵuwa si boḻoye igammunae angitoḵwaḻ ya angusar atte ḵaḵḵopya ḵan dadaane ḵuḵuwanae nitataḻu si gagappotana?”

Matthew 13:52 Iomraidhean Croise

Matthew 12:35

Sa ambaḻu we tagu, ambaḻu da ugudona te siya mapopompon si somsomoḵna. Ḵad sa lawwenge tagu, lawweng os ugudona te siya mapopompon si somsomoḵna.

Matthew 13:51

Ḵanan Jesus, “Maawatanyu ḵamman losan da anna?” Ḵananda, “On, maawatanni.”

Matthew 13:53

Ginangput ḵad Jesus intuttudu da sanae pani, ummoyon

Matthew 23:34

Pun ibuunḵu ḵan diḵayu da profeta, da nalainge tagu ya da mimistulun ni lintog. Ḵad anggongat ḵayu'tta udum ya ipattoḻyu da udum atte kros. Da udum ḵad os, ap-aplitonyu dida'tta sinagogayu ya dinumane umawidanda, dogdogonyu dida'tta ḵinailin di ili ya ampaḵaḻamonyu dida.

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Luke 11:49

Sadi angipaila'tte ḵinalaing Apudyus we ḵanana, ‘Ibuunḵu da profetaḵ ya da apostol ḵan dida ya gongatonda da udum ḵad ampaḵaḻamonda bos da udum.’

John 13:34

Ittoḵ ḵan diḵayu baru we bilin. Ḵasapuḻane an-asiayat ḵayu we isun ni an-aayatḵu ḵan diḵayu.

2 Corinthians 6:10

Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

Ephesians 3:4

Ḵad nu basaonyu we ustu, igammuwonyu nan-aawatḵu si annae planunae nituttuwa gapu ḵan Kristu.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Colossians 1:7

Inadaḻyu anna ḵan Epaphras we ay-ayatonni ye buḻun ya mataḻgodane anserbi ḵan Kristu we angiyugud ḵan diḵani sinat,

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

1 Timothy 3:6

Ḵasapuḻane daḵampun aḵ baru we namati ta adi ampasindayaw ya madusae isun Satan.

Titus 1:9

Sa mipanggob si pammatina, ḵasapuḻane gogomgomana da ḵatuttuwaane nagangput nituttudu ḵan siya ta lamogna ituttudu ustuustu we tuttudu'tta buḻunna ya soḻgagona didae angunud ḵan suppaḵana da sumullagi si ḵatuttuwaan.