Matthew 13:43 - Sa Ugud Apudyus

⁴³ Yaḵon da naun-unane tagun Apudyus, allangḻangdae isun di init si ampangatan Amada. Diḵayu we andodongngoḻ, sosomḵonyu da dingngoḻyu.”

Matthew 13:43 Iomraidhean Croise

Matthew 11:15

Diḵayu we andodongngoḻ, sosomḵonyu da dingngoḻyu.”

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

Matthew 25:36

Naippun os silupḵu woḵ sinilupanyu saḵon. Nasaḵitaḵ os woḵ inayyuwananyu saḵon. Nabaḻudaḵ ḵad os, ummoyyu saḵon binisita ta bumadang ḵayu.’

Matthew 26:29

Ibagaḵ ḵan diḵayu ḵatuttuwaan, adiyaḵpun ḵasin uminum atte bayase grape inggana'tte aḻgawe maḵainumaḵ ḵan diḵayu'tte baru we bayase grape atte ampangatan Amaḵ.”

Mark 4:23

Diḵayu we andodongngoḻ, sosomḵonyu da dingngoḻyu.”

Luke 12:32

“Adi ḵayu maḵimut, taḵon ay nu aḵit ḵayu we disipuluḵ te aḵ Apudyus we Ama taḵu allaylayade nanomsomoḵe midoga ḵayu si ampangatana.

Luke 22:29

Pun ittoḵ ḵan diḵayu ḵalintogane ampangate isun ni innatod Amaḵ ḵan saḵone ampangat.

1 Corinthians 15:58

Pun susunudḵu ḵan Kristu we ay-ayatoḵ, popotpotanyu da pammatiyu ya adi oḵyan magitot. Ḵad ipapatiyu bose angwa'tta ngaimane pinion Apudyus paḵwa ḵan diḵayu te igammu taḵu we losane ḵoon taḵu we para ḵan siya adipun matangga.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?