Matthew 13:23 - Sa Ugud Apudyus

²³ Da naottag ḵad atte alluta, isuda da tagu we dongngonda Ugud Apudyus ya maawatanda ḵad ḵoonda da adu we ambaḻu we banage mas-oman Apudyus we isun da muḻae amunga'ḵ adu. Da udum singgagasut, da udum sin-oonompuḻu ya da udum sintuḵlumpuḻu.”

Matthew 13:23 Iomraidhean Croise

Matthew 12:33

Impanin os Jesus woḵ ḵanana, “Sa ḵayu we ngannonda ambaḻu, ambaḻu ambubungana. Sa ḵayu we ngannonda lawweng, lawweng ambubungana. Te sa ibungan ni ḵayu angipaila si kalasina.

Matthew 13:8

Da udum ḵade buḵoḻ naottagda si alluta, pun tummubuda woḵ namungada. Da udume buḵoḻ, namungada'ḵ singgagasut, da udum sin-oonompuḻu ya da udum sintuḵlumpuḻu.”

Matthew 3:10

Sa mipaniyan ni madusaanyu, isun ni wasaye nisasagganae ampoḵpoḵ atte ḵayu ya losane ḵayu we adipun amunga'ḵ ambaḻu mapoḵpoḵda ya miballuda'tte apuy.

Matthew 3:8

Adipun paat maḵwa te ḵasapuḻane ḵoonyu da losan ta ipailayu we tuttuwae imbabawiyu da basuḻyu ya agayyu we angwa.

Mark 10:15

Ibagaḵ ḵan diḵayu ḵatuttuwaan, ngaimane adina awaton ampangatan Apudyus we isun ni abeng, adipun paat midoga.”

Mark 4:20

Da naottag ḵad atte alluta, isuda da tagu we dongngonda Ugud Apudyus ya namatida ḵad ḵoonda da adu we ambaḻu we banage mas-oman Apudyus we isun da muḻae amunga'ḵ adu. Awad da amunga'ḵ sintuḵlumpuḻu, da udum sin-oonompuḻu ya awad da singgagasut.”

Luke 13:9

Ḵad nu amunga'ḵ tawon, baḻuna bos. Yaḵon nu adipun pagay, gabbaoḵ.’ ”

Luke 8:15

Da naottag ḵad atte alluta, isuda da tagu we andongoḻ si Ugud Apudyus, pinagatupandae namati ḵan ampoḻḵapoḻḵas da somsomoḵda, anusanda inggana'ḵ angwada'tta adu we ambaḻu we banage mas-oman Apudyus we isun ni muḻae adu ambubungana.”

Luke 8:8

Da udum ḵade buḵoḻ naottagda'tte alluta. Tummubuda woḵ namungada, da udum namungada'ḵ singgagasut.” Ginangput ḵad Jesus inug-uggud annae pani, ḵanana'tta tagu, “Diḵayu we andodongngoḻ, sosomḵonyu da dingngoḻyu.”

John 15:16

Daḵampun aḵ diḵayu namili ḵan saḵon yaḵon saḵon namili ḵan diḵayu. Ḵad dinutuḵaḵ diḵayu'ḵ umoy amunga'ḵ adu ya annanayun oḵyan bungayu. Ta ngaimane ḵodawonyu ḵan Amaḵ mipagapu'tte ḵaḻabbongaḵ, ittona.

John 8:47

Da abeng Apudyus, ummanda dongngon da ugudona ya amatida'tta ibagana. Yaḵon daḵanḵayupun aḵ abeng Apudyus, siya adiyu angngoḻan ḵan amatiyan atta ugudona.”

Acts 16:14

Osa'tta nandongoḻ ḵan diḵani'ḵ Lydia we iThyatira we allaḵlaḵu'tta nanginginae sinnun ya andaydayaw ḵan Apudyus. Nandodongngoḻ ḵad, sinilawan Apu somsomoḵna woḵ namati.

Acts 17:11

Da annae Judyu amo nabaḻbaḻu ugalida nu da iThessalonica te sisinnoogonda Ugud Apudyus ḵad inaḻgawe adaadaḻonda ta panoḵnoḵanda nu tuttuwa da intuttudun Paul.

2 Corinthians 9:10

Aḵ Apudyus angitod si buḵoḻe imuḻan ni an-osoḵ ya da maḵane ḵanon da tagu ḵad paaduwona bos da losane awad ḵan diḵayu ta umaduadu da ittonyu'tta anḵasapuḻ mipagapu si naun-unanyu.

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

Philippians 4:17

Yaḵon pioḵ ipaigammu ḵan diḵayu we siya singtoḵ madog-an oḵyan gungunayu, daḵampun atte ittonyu.

Colossians 1:10

Te nu ḵatti, maḵwae unudonyu antatagu we mibagay atte ḵinabaḻun Apu ya pasigyu ḵoon da amalayad ḵan siya. Ḵad ambaḻu ibungan da losane ḵoonyu ya madog-an igammuyu mipanggob ḵan Apudyus.

Colossians 1:6

Ḵad sa annae Ambaḻu we Damag we dingngoḻyu, annae miwaḻagawag si intero we lubung. Pun da nandongoḻ naila bungana'tta nantataguda. Ḵaḵna isun ni naḵwa ḵan diḵayu si dingngoḻyu ya naawatanyu mipanggob si ḵatuttuwaan ni ḵinabaḻun Apudyus.

1 Thessalonians 4:1

Sinsadi susunudḵu ḵan Kristu, ibagani inonyu we matagu we mas-oman Apudyus. Ḵad siya annate ḵoonyu yaḵon mipagapu'tte ngadan Apu Jesus, ḵodawonni ḵasin ḵan diḵayu ta amo ipapatiyu oḵyane angwa.

2 Thessalonians 2:10

ya da lawwenge angallelawna'tta asi misina ḵan Apudyus ta madusada. Gapu'tte adida angayatan ḵan amatiyan si ḵatuttuwaan mipanggob ḵan Apu Jesus ta mataguda oḵyan.

Hebrews 4:2

Dingngoḻ taḵu Ambaḻu we Damag we niwaḻagawage isun os ni dingngoḻ da danaḵḵoḻ taḵu si awe. Yaḵon ippun anun ni dingngoḻda te adidapun nan-ossaane namati'tta udume nandongoḻ.

Hebrews 6:7

Sa lutae naudaudanane ustu, tumubu da ambaḻu we muḻa te da nanḵewaaḻ awatonda bindisyun Apudyus.

Hebrews 8:10

Annaya baru we tuḻagḵu'tta ganaḵ Israel si umali ye aḻgaw, imuḻaḵ lintogḵu'tta somsomoḵda ya igiliḵ atta pusuda. Ḵad saḵon Apudyusda ya dida bos da taguḵ.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.