Matthew 13:22 - Sa Ugud Apudyus

²² Da naottag atte laslasi, isuda da tagu we dingngoḻda Ugud Apudyus. Yaḵon gapu'tta binimbinsawda'tta biyagda si annae lubung ya piondae bumaḵnang, adidapun tungaguwon ugude dingngoḻda ḵad adipun mabaliwan da ugalida.

Matthew 13:22 Iomraidhean Croise

Matthew 12:32

Ḵad ngaimane an-ugud aḵ lawweng si mipanggob ḵan saḵone Abeng Di Tagu, maḵwae pakawanon Apudyus. Yaḵon sa angamsew atte mipanggob si Ispiritu Santu, adipun maḵwae pakawanon Apudyus sinsadi ya sa umali ye timpu.”

Matthew 13:39

Ḵad sa ḵabusuḻe nangiwagawag si sabsabug, siya'ḵ Satan. Sa iyyaani siya anungus ni timpu ḵad da anghel an-ani.

Matthew 13:40

Sa maḵwa si sabsabuge dinagup da sammilu ta masgob, ḵatti bos maḵwa si anungus ni timpu.

Matthew 13:7

Da udum ḵad ose buḵoḻ, naottagda si laslasi woḵ taḵon ay nu tummubuda, nidisan tummubu da lasi woḵ pinsoḻda da muḻa ta adida dumaḵoḻ.

Luke 12:15

Ḵanana'tta losane tagu, “Ummanyu ta adi ḵayu masulisug ya maḵabasuḻ si ḵamommod atta ḵuḵuwan da buḻunyu. Te sa biyag daḵampun aḵ mibatay atta ḵuḵuwa, taḵon ay nu ngai ḵinabaḵnang taḵu.”

Luke 12:21

Pun ḵanan Jesus we nangiyanungus, “Ḵaḵnat maḵwa'tta tagu we amompon aḵ binaḵnang atta long-agda yaḵon adidapun ipatog da banage ibelang Apudyus aḵ ampatog.”

Luke 21:34

Pinagatupan Jesus woḵ ḵanana, “Ummanyu ta adi ḵayu midoga'tta umamdane gangganas ni bartek ya adi ḵayu ambinsaw atta ḵasapuḻanyu'tte biyag ta adi ḵayu maaddagan nu mapoḵḵatan umaliyaḵ te adiḵayupun naḵasagana. Sa aḻgawe mipauliyaḵ sina'd luta isun di silu we mapoḵḵatan maboḵas.

Luke 8:14

Da naottag atte laslasi, isuda da tagu we dongngonda Ugud Apudyus. Yaḵon gapu'tta binimbinsawda'tta ḵinabaḵnang ya laylayad si annae biyag, adidapun tungaguwon ugude dingngoḻda ḵad adipun maobos da ḵoḵoḵḵonda.

Acts 8:18

Innilan ḵad Simon we naittanda'tte ḵabooḻan ni Ispiritu Santu atte nangipatayan da apostol atta imada, innattana da Peter ḵan John aḵ pilaḵ

Romans 12:2

Adiyu unudon da ugalin da tagu we adipun namati yaḵon iyunudyu we baliwan Apudyus da somsomoḵyu ta pabaruwona. Te nu ḵoonyu ḵaḵna, igammuwonyu nu ngai pinion Apudyus, ngai ambaḻu, ngai mas-omana ya naippun angkurangana.

1 Corinthians 1:20

Nu ḵatti maḵwa, ngai anun ni ḵinalaing nu? Ḵad ngai anun da mimistulun ni lintog nu? Ḵad ngai anun da nalalainge maḵasossongbat si sanae timpu nu? Daḵampun ḵamman aḵ dinodong-og ḵan Apudyus ḵinalaing da tagu we adipun amati?

1 Corinthians 2:6

Yaḵon awad de ḵinalainge ituttuduni'tta naangsan si pammati, daḵampun aḵ naḻpu'tte ḵinalaing da tagu si sanae timpu ya ḵinalaing da pangat si sanae timpu we amungtu ḵabooḻanda.

1 Corinthians 2:8

Naippun naḵaawat atta pangat si sanae timpu. Te nu naawatanda oḵyan, adidapun impaipattoḻ ḵangatuwane Apu atte kros.

1 Corinthians 3:18

Ilanyu ta adiyu allelawon da long-agyu. Nu awad ḵananae nalaing si sanae timpu we nibatay atte ḵinalaing da adipun amati, ambalin oḵyan aḵ dong-og ta ambalin aḵ tuttuwae nalaing.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Galatians 1:4

we nangitod si long-agna'tte natoyana ta mapakawan da basuḻ taḵu. Ḵingwana sadi ye mibatay si pinion Apudyus we Ama taḵu ta matagu taḵu ḵan mapuḵayan taḵu ta adi taḵu igunay ya adi taḵu ansomsomoḵ atta isun da ḵoḵoḵḵon da tagu si sanae timpu.

Ephesians 2:2

Te siya inunudyu da antatagun da tagu we adipun amati ya tinuttuwayu gapu si namatiyanyu'tte pangat da ispiritu we adipun mailae siya angidaḻan atta tagu we adipun amati.

1 Timothy 6:17

Bilinom da babaḵnang sinsadi si annae lubung ta adida ampasindayaw ya adida antaḻgod atta binaḵnangdae sin-aḵitan ya maumas. Yaḵon aḵ Apudyus oḵyan antaḻgodanda te siya angitoitod atta losane ḵasapuḻan taḵu ta gangganason taḵu dida.

2 Timothy 4:10

te tinenanaḵ ḵan Demas woḵ ummoy ad Thessalonica te pipiona nainlubungan. Aḵ Crescens ḵad os, ummoy ad Galatia ya aḵ Titus, ummoy ad Dalmatia.