Matthew 13:12 - Sa Ugud Apudyus

¹² Te sa anuttuwa si dingngoḻna, amo madog-an an-aawatna inggana'ḵ aduadu maawatana. Yaḵon sa tagu we adinapun ḵoon dingngoḻna, taḵon ay awad ḵan siya, maḵaan.

Matthew 13:12 Iomraidhean Croise

Matthew 21:43

“Pun sana ibagaḵ ḵan diḵayu we aḵ Apudyus iginoḵnae angipangat ḵan diḵayu ya siya ipangatana da tagu we angwa'tta ambaḻu we mibagay atta ipangatana.

Matthew 25:29

Te sa anuttuwa si dingngoḻna, amo madog-an an-aawatna inggana'ḵ aduadu da maawatana. Yaḵon sa tagu ḵade adinapun ḵoon dingngoḻna, taḵon ay awad ḵan siya, maḵaan.

Mark 12:9

Ḵanan Jesus, “Ngai nin ay ḵoon ni sinḵuwa'tte mumuḻḻaan atta de grape atta gumagammole? Dumatong ḵad, gongatona dida ya impaayyuwanna mumuḻḻaan atta udume tagu.

Luke 10:42

Taḵon ay nu ḵatti, os-ossaan ḵasasappuḻan. Siya annate pinilin Mary, sa ḵapatogane ippun paat maḵaaḻa.”

Luke 12:48

Yaḵon sa sammilu we adinapun igammu imbilin ni apuna nu ḵoona lawweng, aḵit dusana. Sa tagu we naittan aḵ adu, adu bos namnamaonae maḻpu ḵan siya. Ḵad sa tagu we nitaḻgodan ni ad-adu, ad-adu bos ḵodawonda ḵan siya.”

Luke 16:2

Pun impaayag ni baḵnang woḵ ḵanana ḵan siya, ‘Ngai dingngoḻḵu we mipanggob si nanangtanggaam atta ḵuḵuwaḵ? Idatongnu listaan da tinangḵonam te ḵaanoḵ siḵa si ḵewaaḻnu.’

Luke 16:25

“Yaḵon ḵanan Abraham, ‘Abengḵu, iḵagasmoḵnu timpun ni nataguwame allin-awa biyagnu. Ḵad aḵ Lazarus, nampaḵaḻam. Yaḵon sinsadi, annae allaylayad sina ya siḵa ḵad, annate ampaḵapaḵaḻamḵa.

Luke 8:18

“Gapu'tte sadi, sisinnoogonyu da annae ibagaḵ. Te sa anuttuwa si dingngoḻna, amo madog-an an-aawatna. Yaḵon sa tagu we adinapun ḵoon dingngoḻna, taḵon ay aḵite ḵananae awad ḵan siya, maḵaan.”

Luke 9:26

Ngaimane angibain ḵan saḵone Abeng Di Tagu ya da tuttuduḵ, ibainḵu bos dida nu mipauliyaḵ ad luta. Atte sadi ye timpu nu mipauliyaḵ, midayaw aḵ Amaḵ, da anghelna ya saḵon.

James 4:6

Sa ḵatuttuwaan, ummamdan ḵinabaḻun Apudyus ḵan ditaḵu, isuna nibaga si nigili ye Ugudnae ḵanana, “Sullagiyon Apudyus da ngaimane ampasindayaw, yaḵon ipailana ḵinabaḻuna'tta ngaimane napakumbaba.”

Revelation 2:5

Pun ḵasapuḻan oḵyane iḵagasmoḵyu ampigsae ayatyu si damu. Ambabawi ḵayu'tta basuḻyu ya agayyu we angwa ya ḵoonyu ḵasin da ḵingwayu si damu. Te nu adi ḵayu ambabawi, umaliyaḵ sinat ta ḵaanoḵ sasap-aḻan da silawyu'tta ustu we igawda.