Matthew 13:11 - Sa Ugud Apudyus

¹¹ Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Yaḵon ḵan dida, adinapun impaigammu.

Matthew 13:11 Iomraidhean Croise

Matthew 13:10

Pun ummadani da disipulu ḵan Jesus woḵ ḵananda, “Ngaipam ipani ye antuttudu'tta tagu?”

Matthew 16:17

Pun ḵanan Jesus, “Pianḵa ḵammos, Simon we abeng Jonah te daḵampun aḵ tagu nangipaigammu ḵan siḵa nu adi aḵ Amaḵ we awad ad langit.

Matthew 19:11

Ḵanan os Jesus, “Yaḵon daḵampun aḵ losane tagu maḵaḵwa si ḵaḵnat te abus aḵ maḵaḵwa da innattan Apudyus aḵ ḵaḻabbongan.

Matthew 20:23

Ḵanan Jesus ḵan dida, “Tuttuwae lamogyu maanusane ampaḵaḻame isuḵ. Yaḵon naippun ḵaḻabbongaḵe ampili nu ngai da tumuḵdu si madawinanḵu ḵan madawigiḵ te da annae saad insaganan Amaḵ atta nagangpute pinilina.”

Mark 10:40

Yaḵon naippun ḵaḻabbongaḵe ampili nu ngai da tumuḵdu si madawinanḵu ḵan madawigiḵ te da annae saad insaganan Amaḵ atta nagangpute pinilina.”

Mark 4:11

Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Da udum ḵad, abus ipaniḵ

Luke 8:10

Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Yaḵon da udume tagu ipaniḵe antuttudu ḵan dida ta taḵon ay nu iillanda da banage ḵooḵ, adidapun maḵaimatun ya taḵon ay nu dodongngonda da banage ibagaḵ, adidapun maawatan.

John 6:65

Pinagatupana bos woḵ ḵanana, “Sana gapun ni nangibag-aḵ ḵan diḵayu we naippun ḵallamog umali ya amati ḵan saḵon nu adin Amaḵ iyunud.”

John 7:17

Ngaimane pionae angwa'tta pinion Apudyus, igammuwona nu maḻpu ḵan Apudyus da tuttuduḵ baḵon nu maḻpu si mismu we ḵaḻabbongaḵ.

Acts 16:14

Osa'tta nandongoḻ ḵan diḵani'ḵ Lydia we iThyatira we allaḵlaḵu'tta nanginginae sinnun ya andaydayaw ḵan Apudyus. Nandodongngoḻ ḵad, sinilawan Apu somsomoḵna woḵ namati.

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.

Romans 16:25

Madayaw oḵyan aḵ Apudyus! Te anna ḵabooḻanae amapigsa'tta pammatiyu we nibatay si Ambaḻu we Damag mipanggob ḵan Jesu Kristu we iwaḻagawagḵu. Sa annae Ambaḻu we Damag nitataḻu we adipun nipaigammu si awe.

1 Corinthians 13:2

Ḵad taḵon ay nu awad ḵabooḻaḵe angibaga'tte ipaigammun Apudyus baḵon nu awad ḵabooḻaḵe maawatan da losane ḵinatuttuwaane nilimod ḵan taḵon ay nu igammuḵ da losane maḵwae maigammu ya taḵon ay nu ampigsa pammatiḵe lamogḵu an-atunon beleg yaḵon nu naippun ayatḵu'tta asintataguḵ, naippun anuḵ.

1 Corinthians 15:51

Dongngonyu, ibagaḵ ḵan diḵayu annae planun Apudyus we adipun nipaigammu'tta tagu inggana sinsadi. Ditaḵu we namati, daḵampun aḵ losan taḵu matoy yaḵon sin-aḵitan mapasantan da long-ag taḵu'tte baru we long-ag.

1 Corinthians 2:14

Yaḵon sa tagu we naippun Ispiritu Santu ḵan siya, adinapun awaton da ngaimane atode maḻpu'tte Ispiritu Santu te dinodong-og ḵan siya. Ḵad adinapun maawatan dida te abus da tagu we iinggawan ni Ispiritu Santu aḵ maḵaawat.

1 Corinthians 2:7

Te sa nilimode ḵinalaing Apudyus we ibagabagani, siya simsimmoḵna si daan ni lubung maḵwaan ta midoga taḵu si ḵabaḻuwane antatagu ḵan Apudyus ad langit.

1 Corinthians 4:1

Ibelangyu oḵyan diḵani'ḵ sammilun Kristu we nangitaḻgodan Apudyus si biyange angituttudu si ḵatuttuwaane adipun nipaigammu si awe.

1 Corinthians 4:7

Te ngai ḵad ain nangwa si nitoḵonanyu'tta udum? Daḵampun ḵamman ḵan Apudyus nangitod atta losane awad ḵan diḵayu? Ḵad ngaipa ḵayu ansoḵaḻe isun di diḵayu nangwa?

Ephesians 1:18

Ḵodawoḵ ose silawan Apudyus da somsomoḵyu ta igammuwonyu namnamaon taḵu gapu si namiliyana ḵan ditaḵu ya maawatanyu ḵaadu ḵan ḵinabaḻun ni bindisyune inkarina'tta tagun Apudyus.

Ephesians 1:9

Ḵad allaylayade nangipaigammu ḵan ditaḵu si pinionae adipun nipaigammu si awe ye asi mituttuwa ḵan Kristu.

Ephesians 5:32

Annat ampatog ḵan naadaḻome tuttudu we sa an-aawatḵu, sa nan-ossaanan da namati ya aḵ Jesu Kristu.

Ephesians 6:19

Iluwaḻuwanaḵ ud os ta ituttudun Apudyus da ustu we ibagaḵ nu isaḻadḵu we an-ugud ya tumuḻodaḵe angipaigammu si Ambaḻu we Damag we adipun nipaigammu si awe.

Colossians 2:2

ta masoḻgag oḵyan da somsomoḵyu ya an-os-ossaan ḵayu gapu si an-asiayat ḵayu ta adi ḵayu anduwaduwa yaḵon maawatanyu planun Apudyus we adipun nipaigammu'tte awe ye sa mipanggob ḵan Kristu.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

1 Timothy 3:9

Ḵasapuḻane ampoḻḵas somsomoḵdae angogomgom si ḵatuttuwaane pammati ye impaigammun Apudyus ḵan ditaḵu.

James 1:5

Nu awad osa ḵan diḵayu'ḵ angkurang atte ḵinalaing, alluwaḻu oḵyan ḵan Apudyus woḵ aaddi ye maatod. Te aḵ Apudyus allaay atta losane tagu ya adinapun dida pabainan nu anḵodawda.

1 John 2:20

Yaḵon awad ḵan diḵayu Ispiritu Santu we innatod Kristu, siya gapunae igammuyu losan ḵatuttuwaan.

1 John 2:27

Yaḵon sa Ispiritu Santu we inawatyu, siya iinggaw ḵan diḵayu, pun daḵampun aḵ ḵasapuḻane awad angituttudu ḵan diḵayu mipanggob si ḵatuttuwaan. Yaḵon sa Ispiritu Santu angituttudu ḵan diḵayu'tta losane ḵatuttuwaan ya ippun tuli'ḵ ituttuduna. Pun unudonyu da intuttuduna ḵan diḵayu ta iinggaw ḵayu ḵan Kristu.