Matthew 12:46 - Sa Ugud Apudyus

⁴⁶ Sissiya ḵad aḵ Jesus we maḵaug-uggud atta tagu, dummatong aḵ inana ya da sunudna. Inninggawda'tte lasin woḵ ummoyda impaayag te piondae maḵaug-uggud ḵan siya.

Matthew 12:46 Iomraidhean Croise

Matthew 1:18

Annaya ug-uggud ni niyanaḵan Jesu Kristu. Sa inanae aḵ Mary, nantuḻagdae an-asawada ḵan Joseph. Yaḵon sa daanda an-asaw-an, nabugi'ḵ Mary mipagapu si ḵabooḻan ni Ispiritu Santu.

Matthew 12:47

Pun ḵanan ni osa ḵan Jesus, “Awad aḵ inam ya da sunudnu'k lasin we piondae maḵaug-uggud ḵan siḵa.”

Matthew 13:55

Daḵampun ḵamman si abeng ni karpentero? Daḵampun ḵamman ḵan Mary inana? Ḵad daḵampun ḵamman aḵ siya sunud da James, Joseph, Simon ya aḵ Judas?

Matthew 2:11

Dummatongda ḵad atte boḻoy, nillumnoḵda woḵ innilada abeng ya aḵ Mary ye inana. Nanalluḵuda ta andayawda ḵan siya. Pun binuḵtanda da iiggaan da ampapatoge atodda woḵ innatodda ḵan siya buḻawan, sa ambangu we incenso we ngannonda frankincense ya sa ampatoge lanae ngannonda myrrh.

Matthew 2:20

“Bumangonḵa! Itallaynu da an-ina si ili'd Israel te nanḵaḵatoy da angongat oḵyan si abeng.”

Mark 2:21

Ḵanan os Jesus we nangipani, “Naippun tagu'ḵ ituḵupna baru we lupute adipun nisaḵsaḵ si dadaane silup te nu mituḵup si dadaane silup ya isaḵsaḵnu, ḵumson baru we mituḵup ya yatyatona dadaane luput ḵad amo dumaḵoḻ pissayna.

Mark 6:3

Daḵampun ḵamman aḵ siya karpentero we abeng Mary? Daḵampun ḵamman aḵ sunudna da James, Joseph, Judas ya aḵ Simon? Daḵampun ḵamman aḵ anna da bubai ye sunudna sina?” Pun lummaweng somsomoḵda woḵ adidapun namati.

Luke 1:43

Ngai ḵad ain patogḵu we bisitaom, siḵae inan ni Apuḵ?

Luke 2:33

Nataag da ama ḵan inan Jesus atte imbagan Simeon we mipanggob ḵan siya.

Luke 2:34

Pune sadi, binindisyunan Simeon dida woḵ ḵanana ḵan Mary, “Dongngom, sa annae abeng, dinutuḵan Apudyus siya'ḵ mataguwan da adu ḵan ditaḵu we ganaḵ Israel ya adu bos da madusa. Awad da anging-ingnga ḵan siya.

Luke 2:48

Pun innilan ḵad da sin-abeng, nataagda bos. Ḵanan inana, “Ngaipam ay ḵoon ḵaḵna ḵan diḵani? Adimpun ḵamman igammu we nambimbinsaw ḵani ye nanaḻata ḵan siḵa?”

Luke 2:51

Pun nibuḻun aḵ Jesus ḵan didae nipauli'd Nazareth woḵ tinuttuwana da imbagada. Aḵ inana ḵad, iniittomana da losane naḵwa.

Luke 8:10

Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Yaḵon da udume tagu ipaniḵe antuttudu ḵan dida ta taḵon ay nu iillanda da banage ḵooḵ, adidapun maḵaimatun ya taḵon ay nu dodongngonda da banage ibagaḵ, adidapun maawatan.

John 19:25

Da summisiḵad ḵad si adanin ni de kros Jesus aḵ inana, sa sunud ni inana, aḵ Mary ye asawan Clopas ya aḵ Mary Magdalene.

John 2:1

Naḻaḵpus ḵad duwan aḻgaw, inggaw kasar ad Cana si probinsiya'd Galilee. Inninggaw inan Jesus sidi,

John 2:12

Nagangput ḵad kasar, ḵesan da Jesus ya aḵ inana, da susunudna ya da disipuluna'd Capernaum woḵ inninggawda sidi'ḵ sin-aḵitane aḻgaw.

John 2:5

Pune sadi, ḵanan ni inan Jesus atta antataug atte bayas, “Ḵoonyu da ngaimane ibagana ḵan diḵayu.”

John 7:10

Yaḵon ḵesan ḵad da sunud Jesus we ummoy naḵagayagaya'd Jerusalem atte Gayagayan da Judyu we ngannonda Sigay, ummoy os aḵ Jesus yaḵon adipun nampappaila.

John 7:3

ḵanan da sunud Jesus we laḻaḵi ḵan siya, “Tenam sina ya inḵa'tte probinsiya'd Judea ta ilan da disipulum da nakaskasdaawe ḵoom!

John 7:5

Imbagan da laḻaḵi ye sunud Jesus ḵaḵna te taḵon ay da sunudna, adidapun amati ḵan siya.

Acts 1:14

Sana nan-os-ossaanandae nangipapati ye alluwaḻu we nidoga da udume bubbubai ya aḵ Mary ye inan Jesus ya da sunudna.

1 Corinthians 9:5

Ḵad ippun ḵamman ḵaḻabbonganni ye angitaggaḵad atta asawani'tta ngaimane ambabbaatanni ye isun da udume apostol ya da susunud ḵan Kristu ya aḵ Peter?

Galatians 1:19

Yaḵon da innilaḵe apostol, abus aḵ Peter ya aḵ James we sunud Apu.