Matthew 12:42 - Sa Ugud Apudyus

⁴² Ḵad sa de Queen ad Sheba atte awe ye naḻpu'tte adaddayuwane ili'd daya, maḵataḵdog atta tagu we matattagu sinsadi si aḻgawe anguwisan Apudyus atta losane tagu. Sa gunayna amanoḵnoḵe dusaon oḵyan Apudyus diḵayu. Te taḵon ay adaddayuwan naḻpuwana, ummali sina'd Israel ta dongngona da ugud Ari Solomon we allaing. Taḵon ay nu annaaḵ sinsadi ye nangatngatu nu aḵ Solomon, adiyupun os dongngon ya tuttuwaon da ugudḵu.”

Matthew 12:42 Iomraidhean Croise

Matthew 12:41

Da iNineveh bos, maḵataḵdogda'tta tagu we matattagu sinsadi'tte sadi ye aḻgaw si anguwisan Apudyus atta tagu. Sa nambabawiyan da tagu'd Nineveh amanoḵnoḵe dusaon Apudyus diḵayu. Te dida ḵad, imbabawida da basuḻda ya iyyagaydae nangwa si dingngoḻda iwwaḻagawag Profeta Jonah ḵan dida. Yaḵon diḵayu ḵad, taḵon ay nu annaaḵ sinsadi ye nangatngatu nu aḵ Profeta Jonah, adiyupun tuttuwaon da tuttuduḵ.

Matthew 12:6

Yaḵon ibagaḵ ḵan diḵayu, awad sina osae napatpatog nu sa templo.

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

Matthew 3:17

Baag-en ḵanan ni gingae naḻpu'd langit, “Annaya Abengḵu we ay-ayatoḵ ya mamas-omaḵ ḵan siya.”

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.