Matthew 12:41 - Sa Ugud Apudyus

⁴¹ Da iNineveh bos, maḵataḵdogda'tta tagu we matattagu sinsadi'tte sadi ye aḻgaw si anguwisan Apudyus atta tagu. Sa nambabawiyan da tagu'd Nineveh amanoḵnoḵe dusaon Apudyus diḵayu. Te dida ḵad, imbabawida da basuḻda ya iyyagaydae nangwa si dingngoḻda iwwaḻagawag Profeta Jonah ḵan dida. Yaḵon diḵayu ḵad, taḵon ay nu annaaḵ sinsadi ye nangatngatu nu aḵ Profeta Jonah, adiyupun tuttuwaon da tuttuduḵ.

Matthew 12:41 Iomraidhean Croise

Matthew 12:39

Yaḵon ḵanan Jesus ḵan dida, “Diḵayu we tagu si sanae lunap, lawwelawweng ḵayu te nan-awidanyu'ḵ Apudyus. Ḵodaḵodawonyu we ḵooḵ da nakaskasdaawe sinyal ta amanoḵnoḵe aḵ Apudyus nangibuun ḵan saḵon. Yaḵon ippun mipaila malaksid sinyale isun ni naḵwa ḵan Profeta Jonah.

Matthew 12:42

Ḵad sa de Queen ad Sheba atte awe ye naḻpu'tte adaddayuwane ili'd daya, maḵataḵdog atta tagu we matattagu sinsadi si aḻgawe anguwisan Apudyus atta losane tagu. Sa gunayna amanoḵnoḵe dusaon oḵyan Apudyus diḵayu. Te taḵon ay adaddayuwan naḻpuwana, ummali sina'd Israel ta dongngona da ugud Ari Solomon we allaing. Taḵon ay nu annaaḵ sinsadi ye nangatngatu nu aḵ Solomon, adiyupun os dongngon ya tuttuwaon da ugudḵu.”

Matthew 12:45

Ḵad umoyna ayagan da pitu we aḻane daldallu lawwengda nu siya ta miḵamboḻoyda. Ḵad amo ḵaddagu sadi ye tagu nu sa damu. Ḵaḵna maḵwa'tta tagu si sanae lunap.”

Matthew 12:6

Yaḵon ibagaḵ ḵan diḵayu, awad sina osae napatpatog nu sa templo.

Matthew 16:4

Lawwelawweng ḵayu we tagu sinsana te nan-awidanyu'ḵ Apudyus. Ipatutyu we ḵooḵ da nakaskasdaawe sinyal ta amanoḵnoḵe aḵ Apudyus nangibuun ḵan saḵon. Yaḵon ippun mipaila malaksid sinyale isun ni naḵwa ḵan Profeta Jonah si awe.” Imbagan ḵad Jesus ḵaḵna, ummoyon.

Matthew 17:17

Ḵanan Jesus we summongbat, “Diḵayu we ippun pammatiyu ḵan lawwelawweng somsomoḵyu we tagu si sanae lunap! Ḵamaan ni inggawaḵ ḵan diḵayu ya asi ḵayu amati ḵan saḵon? Ḵamaan ni ampatinggaan ni anusḵu ḵan diḵayu?” Ḵanana'tte aman ni abeng, “Idatongnu abeng ḵan saḵon.”

Matthew 23:36

Ibagaḵ ḵan diḵayu ḵatuttuwaan, diḵayu we tagu si sanae lunap, midoga ḵayu si biyang ya sa dusan da sadi ye ginnumngat.”

Luke 11:32

Da iNineveh bos, maḵataḵdogda'tta tagu sinsana'tte sadi ye aḻgawe anguwisan Apudyus atta tagu. Sa ambabawiyan da tagu'd Nineveh amanoḵnoḵe dusaon Apudyus diḵayu. Te dida ḵad, imbabawida da basuḻda ya iyyagaydae nangwa si dingngoḻda iwwaḻagawag Profeta Jonah ḵan dida. Yaḵon diḵayu ḵad, taḵon ay nu annaaḵ sinsadi ye nangatngatu nu aḵ Profeta Jonah, adiyupun tuttuwaon da tuttuduḵ.”

John 3:31

Sa naḻpu si annae luta, ḵuwan ni luta ya abus aḵ ugudona mipanggob atte luta. Sa naḻpu'd langit, siya ḵangatuwan.

John 4:12

Aḵ Jacob we daḵdaḵoḻ taḵu, impaḻaḵsunna annae bubun. Ḵad sanat maḻpuwan ni inumona ya sa inumon da abengna ya da ayamna. Nangatngatuḵa ḵamman nu aḵ Jacob?”

Romans 2:27

Ḵad taḵon ay adidapun nasogyatan nu tuttuwaonda lintog, dida angoddong atte madusaan da Judyu te taḵon ay nasogyatanda ya awad de nigili ye lintog ḵan dida, nilisalisda.

Hebrews 11:7

Mipagapu si pammatin Noah, nandongoḻ atta imbagan Apudyus mipanggob atta banage maḵwa si umali ye aḻgawe daannapun yan ilan. Tinuttuwana'ḵ Apudyus woḵ nangwa'ḵ daḵoḻe bapur ta matagudae simbaḻyan. Gapu si pammatina, impailanae nankamali da tagu'tte lubunge adidapun amati ḵan Apudyus ya dusaon Apudyus oḵyan dida. Pun imbelang Apudyus aḵ naun-unan mipagapu si pammatina.