Matthew 12:4 - Sa Ugud Apudyus

⁴ Nillumnoḵ si boḻoy Apudyus woḵ ḵinanna tinapaye nidatun ḵan Apudyus we adimpun ni lintog iyunude ḵanonda. Abus da papadi'ḵ miyunude angan si sadi ye tinapay.

Matthew 12:4 Iomraidhean Croise

Matthew 12:3

Pun ḵanan Jesus ḵan dida, “Ḵasapuḻane sosomḵonyu binasayu mipanggob atte ḵingwan Ari David ya da buḻunna'tte nauḻatanda.

Matthew 12:5

Sa osa bos, somsomḵonyu oḵyan nigili ye lintog Moses we anḵewaaḻ da papadi'tte templo si umillongan ya nilisalisda lintog si umillongan yaḵon adidapun maḵabasuḻ.

Mark 2:26

Nillumnoḵ si boḻoy Apudyus woḵ innaḻana tinapaye nidatun ḵan Apudyus we adimpun ni lintog iyunud. Abus da papadi'ḵ miyunude angan si sadi ye tinapay. Yaḵon ḵinanna ya innattana bos da buḻunna. Sana naḵwa si timpun Abiathar we ḵangatuwane padi.”

Luke 6:4

Nillumnoḵ si boḻoy Apudyus woḵ innaḻana tinapaye nidatun ḵan Apudyus we adimpun ni lintog iyunude ḵanonda. Abus da papadi'ḵ miyunud aḵ angan si sadi ye tinapay. Yaḵon ḵinanna woḵ innattana bos da buḻunna.”

Hebrews 9:2

Sa sadi ye tuldae ḵingwada, awad de duwae kuwartu. Sa umunae kuwartu, sadi ngannonda Nasantuwane Kuwartu we inggawan da sasap-aḻan da silaw, sa lamisaan ya da tinapaye midatun ḵan Apudyus.