Matthew 12:39 - Sa Ugud Apudyus

³⁹ Yaḵon ḵanan Jesus ḵan dida, “Diḵayu we tagu si sanae lunap, lawwelawweng ḵayu te nan-awidanyu'ḵ Apudyus. Ḵodaḵodawonyu we ḵooḵ da nakaskasdaawe sinyal ta amanoḵnoḵe aḵ Apudyus nangibuun ḵan saḵon. Yaḵon ippun mipaila malaksid sinyale isun ni naḵwa ḵan Profeta Jonah.

Matthew 12:39 Iomraidhean Croise

Matthew 16:4

Lawwelawweng ḵayu we tagu sinsana te nan-awidanyu'ḵ Apudyus. Ipatutyu we ḵooḵ da nakaskasdaawe sinyal ta amanoḵnoḵe aḵ Apudyus nangibuun ḵan saḵon. Yaḵon ippun mipaila malaksid sinyale isun ni naḵwa ḵan Profeta Jonah si awe.” Imbagan ḵad Jesus ḵaḵna, ummoyon.

Mark 8:12

Pun ummag-os aḵ Jesus si sigab ni somsomoḵna woḵ ḵanana, “Ngaipa da tagu sinsanae ḵodaḵodawondae angipailaaḵ aḵ nakaskasdaawe sinyal ḵan dida ta amanoḵnoḵe aḵ Apudyus nangibuun ḵan saḵon? Ibagaḵ ḵan diḵayu ḵatuttuwaan, ippun paat mipaila ḵan dida.”

Mark 8:38

Ngaimane angibain ḵan saḵone Abeng Di Tagu ya da tuttuduḵ si sanae ḵabasbassuḻane lunap, ibainḵu bos dida nu mipauliyaḵ ad luta. Te nu mipauliyaḵ buḻunanaḵ atta nasantuwane anghel ya ipailaḵ dayaw Amaḵ.”

James 4:4

Diḵayu we adipun mataḻgodan da pammatiyu ḵan Apudyus. Adiyupun ḵamman igammu we nu siya ayatonyu da gangganason da tagu we adipun amati, ḵabusuḻ diḵayu ḵan Apudyus? Pun ngaimane angunud atta ugali ye misullagi'tta pinion Apudyus, ambalinona long-agna'ḵ ḵabusuḻ Apudyus.