Matthew 12:32 - Sa Ugud Apudyus

³² Ḵad ngaimane an-ugud aḵ lawweng si mipanggob ḵan saḵone Abeng Di Tagu, maḵwae pakawanon Apudyus. Yaḵon sa angamsew atte mipanggob si Ispiritu Santu, adipun maḵwae pakawanon Apudyus sinsadi ya sa umali ye timpu.”

Matthew 12:32 Iomraidhean Croise

Matthew 11:19

Ḵan saḵone Abeng Di Tagu, ummaliyaḵ ḵade maḵainum ya maḵaḵan, ḵananyu, ‘Ilanyu, siya ḵad bartekero ya botaḵan! Maḵabuḻbuḻun atta andadagup atta bugis ya da udume ḵabasbassuḻan.’ Yaḵon ilanyu ḵad, mipailae ustu ḵinalaing Apudyus atta biyag da losane angunud atte ḵinalaingna.”

Matthew 12:31

Pun sa ibagaḵ ḵan diḵayu, ngaimane basuḻ da tagu ya da an-ugud aḵ lawweng mipanggob ḵan Apudyus maḵwae pakawanon Apudyus. Yaḵon sa angamsew atte mipanggob si Ispiritu Santu, adipun maḵwae pakawanon Apudyus.

Matthew 12:8

Pun ḵanan Jesus we nangiyanungus, “Saḵone Abeng Di Tagu, anna ḵaḻabbongaḵ atta maḵwa si umillongan.”

Matthew 13:22

Da naottag atte laslasi, isuda da tagu we dingngoḻda Ugud Apudyus. Yaḵon gapu'tta binimbinsawda'tta biyagda si annae lubung ya piondae bumaḵnang, adidapun tungaguwon ugude dingngoḻda ḵad adipun mabaliwan da ugalida.

Matthew 13:39

Ḵad sa ḵabusuḻe nangiwagawag si sabsabug, siya'ḵ Satan. Sa iyyaani siya anungus ni timpu ḵad da anghel an-ani.

Matthew 13:40

Sa maḵwa si sabsabuge dinagup da sammilu ta masgob, ḵatti bos maḵwa si anungus ni timpu.

Matthew 13:55

Daḵampun ḵamman si abeng ni karpentero? Daḵampun ḵamman ḵan Mary inana? Ḵad daḵampun ḵamman aḵ siya sunud da James, Joseph, Simon ya aḵ Judas?

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

Mark 10:30

awatona si matattaguwana anginsinggasute ḵaadu nu da tinenana. Maatod da naadu we boḻoy, susunud, ina, abeng ya luta. Ḵad ampaḵaḻam os yaḵon sa umali ye timpu, maatod ḵan siya biyag aḵ inggana.

Mark 3:28

“Ibagaḵ ḵan diḵayu ḵatuttuwaan, losane basuḻ da tagu, maḵwae pakawanon Apudyus, taḵon ay da ibagada si mipanggob ḵan Apudyus.

Mark 3:29

Yaḵon sa angamsew atte Ispiritu Santu, adipun maḵwae mapakawan da basuḻna'ḵ inggana.”

Luke 12:10

“Sa osa bos, nu awad an-ugud aḵ lawweng mipanggob ḵan saḵone Abeng Di Tagu, maḵwae pakawanon Apudyus. Yaḵon sa an-ugud aḵ lawweng mipanggob si Ispiritu Santu, adimpun Apudyus maḵwae pakawanon.

Luke 16:8

“Inigammun ḵad ni apuna, intaḻayagna sanae adipun mataḻgodane anḵeḵewwaaḻona si ḵinalaingnae namnammoḵ si iḵataguna. Te tuttuwae da tagu we adipun namati, nalaingdae angwa'tta inondae maḵaug-uggud atta udume tagu we isuna didae adipun nasilawan da somsomoḵda.

Luke 18:30

ad-adu'ḵ adayu itton Apudyus ḵan siya si annae biyag nu sa tinenana. Sa umali bose timpu, maittan os atte biyag aḵ inggana.”

Luke 23:34

Pun ḵanan Jesus, “Ama, pakawanom dida te ippun igammuda'tte ḵoonda.” Da suḻdadu ḵad, nambubbunutda woḵ nambisbisaḵanda silupna.

Luke 7:34

Ḵan saḵone Abeng Di Tagu, ummaliyaḵ ḵade maḵainum ya maḵaḵan, ḵananyu, ‘Ilanyu, siya ḵad bartekero ya botaḵan! Maḵabuḻbuḻun atta andadagup atta bugis ya da udume ḵabasbassuḻan!’

John 7:12

Da nandatdatonge tagu'tte gayagaya, siya uguugudonda mipanggob ḵan Jesus. Ḵanan da udum, “Ambaḻu ugalin Jesus.” Yaḵon ḵanan os da udum, “Lawwelawweng te uḻ-uḻnugana da tagu.”

John 7:39

Siya inugud Jesus mipanggob si Ispiritu Santu we awaton da amati ḵan siya. Yaḵon daampun maatod ḵan dida te daampun mipauli'ḵ Jesus ta midayaw ad langit.

John 7:52

Ḵanandae summongbat ḵan siya, “Isum nin naḻpu'tte probinsiya'd Galilee. Singtom si Ugud Apudyus woḵ igammuwome naippun profeta'ḵ naḻpu'tte probinsiya'd Galilee.”

Acts 3:19

Pune sadi, ibabawiyu da basuḻyu ya agayyu we angwa ta mapakawan ḵayu.

Ephesians 1:21

Sidi ampangatana sinsana ḵad nangatngatu'ḵ adayu ḵabooḻana nu da anna ḵaḻabbonganda ḵan ḵabooḻanda ya da ngadan da ngaimane pangat si annae lubung ya da losane adipun maila'd langite awad de ampangatanda. Naippun paat nangatngatu nu siya sinsana ya sa umali ye timpu.

1 Timothy 1:13

Taḵon ay nu pupaḵ nan-ugudan aḵ lawweng si awe, ininsultuḵ ya nampaḵaḻamoḵ da nitun-ud ḵan siya yaḵon ḵinadaguwanaḵ pos pagay ḵan Apudyus. Te daanaḵpun amati ḵan Jesus ya ippun igammuḵe lawweng da ḵingwaḵ.

1 Timothy 1:15

Sana tuttuwae tuttudu ya labbongnae patiyon da losane tagu: Ummali'ḵ Jesu Kristu atte lubung ta taguwona da ḵabasbassuḻan. Saḵon ḵapaatan ḵan dida.

1 Timothy 4:8

Awad de patogna nu paḵosdoḻon taḵu da long-ag taḵu we angwa'tta ḵoon taḵu. Yaḵon simbumaḻu nu paḵosdoḻon taḵu naapudyusane biyag te sadi gattoḵe naḻpuwan ni maganab taḵu si biyag taḵu sinsadi ya nu awad taḵu pos pagay ad langit.

1 Timothy 6:17

Bilinom da babaḵnang sinsadi si annae lubung ta adida ampasindayaw ya adida antaḻgod atta binaḵnangdae sin-aḵitan ya maumas. Yaḵon aḵ Apudyus oḵyan antaḻgodanda te siya angitoitod atta losane ḵasapuḻan taḵu ta gangganason taḵu dida.

2 Timothy 4:10

te tinenanaḵ ḵan Demas woḵ ummoy ad Thessalonica te pipiona nainlubungan. Aḵ Crescens ḵad os, ummoy ad Galatia ya aḵ Titus, ummoy ad Dalmatia.

Titus 2:12

Gapu'tte sanae ḵadaguna, ituttuduna ḵan ditaḵu we an-awidan taḵu da losane ummadayuwan taḵu ḵan siya ya da losane amaamayon ta tupodon taḵu da long-ag taḵu. Ḵad unudon taḵu naun-unan ya sa naapudyusane antatagu si annae lubung.

James 1:27

Te sa gattoḵ ḵan ippun ḵadellawanae angapudyus si antotollong Apudyus we Ama, bumadang atta ulila ḵan da baḻu atta ampaḵaḻamanda. Ḵad ḵasapuḻane adipun maalisan atta ugalin da tagu we adipun namati.