Matthew 12:27 - Sa Ugud Apudyus

²⁷ Ngaipayu ḵamman ibagae aḵ Beelzebul nangitod atte ḵabooḻaḵe amaḻyaw atta aḻan? Nu tuttuwa da imbagayu, ngai bos nangitod si ḵabooḻan da disipuluyu we amaḻyaw atta aḻan? Pun gapu ta sa ḵabooḻan Apudyus amaḻyawan da disipuluyu'tta aḻan we daḵampun atte ḵabooḻan Satan, sana amanoḵnoḵe nankamali ḵayu si imbagayu mipanggob ḵan saḵon.

Matthew 12:27 Iomraidhean Croise

Matthew 10:25

Pun mat-op oḵyan an-adaḻ nu miyisu si mistuluna ḵad isuna bos si sammilu nu miyisu si apuna. Nu ipanida saḵon si simboḻoye aḵ Beelzebul we pangat da aḻan, aaddi ye amo dallu we lawweng angngadanda ḵan diḵayu we niḵamboḻoy.”

Matthew 4:24

Nandinongoḻ da ḵingwan Jesus atta losane saḵubna'd Syria. Pun nan-iyoyda ḵan siya'tta losane nasaḵit ya da ampaḵaḻam, isun da naaḻanan, naḵoḻtoy ya da naparalaes woḵ ḵinaanna da saḵitda.

Matthew 9:34

Yaḵon ḵanan da Pharisee, “Sa pangat da aḻan nangitod atte ḵabooḻanae amaḻyaw atta aḻan.”

Luke 11:19

Nu ḵananyu we paḻyawoḵ da aḻan gapu si ḵabooḻan Beelzebul, ngai bos nangitod si ḵabooḻan da disipuluyu we amaḻyaw atta aḻan? Pun gapu ta sa ḵabooḻan Apudyus amaḻyawan da disipuluyu'tta aḻane daḵampun atte ḵabooḻan Satan, sana amanoḵnoḵe nankamali ḵayu si imbagayu mipanggob ḵan saḵon.

Luke 19:22

Ḵanan ni Ari, ‘Lawwengḵae sammilu! Sa imbagam siya anguwisḵu ḵan siḵa. Iniiggammume sangngaanaḵ ya aḻaḵ daḵampun aḵ nallingtaḵ ya apitoḵ os daḵampun aḵ immuḻaḵ.

Romans 3:19

Igammu taḵu we sa Ugud Apudyus we nigili'tte awe naatod ḵan ditaḵu we Judyu we anuttuwa si lintogna. Pun adipun maḵwae awad angibaga ḵanane naippun basuḻna. Te losane tagu sumangu ḵan Apudyus we maḵuwis.