Matthew 12:20 - Sa Ugud Apudyus

²⁰ An-anggom atta tagu we anḵuya pammatidae isun ni adinapun putton naḻupaḵe loda baḵon nu badangana da aḵit pammatidae isun ni adinapun ḵospon anḵusḵusyope silaw. Pagatupanae an-anggom atta tagu we isun ni sana inggana'ḵ ḵoona da tagu'ḵ maun-unan si antotollong Apudyus.

Matthew 12:20 Iomraidhean Croise

Matthew 11:28

“Diḵayu losane naayong ḵan ampaḵaḻam, awwayyu ḵan saḵon ta paillongoḵ diḵayu.

Matthew 11:7

Nipauli ḵad da disipulun John, insaḻad Jesus we nan-ugud atta amode tagu mipanggob ḵan John. Ḵanana, “Ngai ummoyyu innila si bumbummaaw? Sa potawe mibibbibbid? Naid.

Luke 4:18

“Sa Ispiritu Santu anna ḵan saḵon, te dinutuḵanaḵ aḵ angiwaḻagawag atte Ambaḻu we Damag atta ḵapus ya atta baḻud Satan ta mapuḵayanda, ya diyatoḵ atan da naḵuḻap. Imbuunaḵ os ta puḵayaḵ da ampaḵapaḵaḻam

2 Corinthians 2:14

Yaḵon anggappiyaaḵ ḵan Apudyus te gapu si niyossaananni ḵan Kristu, patilayune ipuyutna diḵani'tte sinagung da nadagupe tagu we isuni da baḻude illog Kristu. Ḵad mipagapu ḵan diḵani, sa ḵatuttuwaane mipanggob ḵan Kristu miwaḻagawag atta ḵinailin di ili ye mipani si bangun ni bangbanglu we misaḵnap atta adu we tagu.

2 Corinthians 2:7

Pun pakawanonyu oḵyan ya papigsaonyu pammatina ta adi maawanan aḵ namnama gapu'tte ummamdane domdomna.

Revelation 6:2

Pune sadi innilaḵ itaḵe ḵabayu we sa nangabayu, aangdon aḵ panae sa usaronae maḵagubat. Naittan aḵ korona woḵ daguse nallibbat ta pagatupana oḻgon da ḵabusuḻna.