Matthew 12:15 - Sa Ugud Apudyus

¹⁵ Inigammun ḵad Jesus pionda ḵoon ḵan siya, ḵesan woḵ adu da nitun-ud ḵan siya. Ḵinaanna da saḵit da losane nasaḵit ḵan dida,

Matthew 12:15 Iomraidhean Croise

Matthew 10:23

Nu ampaḵaḻamonda diḵayu si osae ili, an-atun ḵayu si osae ili. Ibagaḵ ḵan diḵayu ḵatuttuwaan, nu dumatongaḵe Abeng Di Tagu, daanyupun gangputon da ḵewaaḻe paḵwaḵ ḵan diḵayu'tta losane ili'd Israel.”

Matthew 19:2

Amod da tagu we nitun-ud ḵan siya woḵ ḵinaanna da saḵit da nasaḵit.

Mark 6:56

Ngaimane ummayan Jesus we ili, daḵoḻ man baḵon nu ban-og, iyyuwayda pagay da nasaḵit ḵan siya'tta ayanae andadaḵngan da tagu. Ḵad nandagdagudae taḵon ay nu abuse tokkon da nasaḵit gayadan ni silupna. Pun losan da nandoḵ atte silupna, naḵaan da saḵitda.

Luke 5:22

Aḵ Jesus ḵad, inigammuna somsomoḵda pun ḵanana ḵan dida, “Ngaipa ḵaḵnat somsomoḵyu?

Luke 6:12

Unipun, nanagada'ḵ Jesus atte beleg ta umoyna ilabḻabi ye alluwaḻu ḵan Apudyus.

Luke 9:11

Dingngoḻ ḵad da amoamode tagu ummayan da Jesus, tinun-udda dida. Pun inayagana dida woḵ intuttuduna mipanggob atte ampangatan Apudyus ya sa inonae angaan atta saḵit.

John 11:54

Pun adipun ogon aḵ Jesus umoy ampaila'tte maḻamaḻang atta Judyu yaḵon ummoy atte ili'd Ephraim we adani si bumbummaaw. Naḵaigaw sidi atta disipuluna.

John 7:1

Nagangput ḵad sadi, ummoy aḵ Jesus atta nampaliḵwose ili'tte probinsiya'd Galilee. Adinapun pione umoy atte probinsiya'd Judea te singsington da papangat da Judyu inondae angongat ḵan siya.

John 9:4

Ḵasapuḻane ḵoon taḵu da ḵewaaḻe paḵwan ni nangibuun ḵan saḵon te sissiyae aḻgaw te umun-uni ḵad lumabi ya ippun inon taḵu we angwa.

Galatians 6:9

Pun siya gapunae aditaḵu oḵyan mappoge angwa'tta ambaḻu te dumatong ustu we timpu we angittan Apudyus ḵan ditaḵu'tta gunguna nu adi taḵu mappoge anguuway.

1 Peter 2:21

Te pinilin Apudyus diḵayu ta siya unudonyu ḵaḵnate antatagu. Te nampaḵaḻam os aḵ Kristu para ḵan diḵayu ḵad impailana antatagu we unudonyu oḵyan.