Matthew 11:5 - Sa Ugud Apudyus

⁵ Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

Matthew 11:5 Iomraidhean Croise

Matthew 10:8

Ḵaanonyu da saḵit, taguwonyu da natoy, ḵaanonyu saḵit da naleprosy ya paḻyawonyu da aḻan atta naaḻanan. Naippun nambayadyu si annae ḵaḻabbongane innatodḵu ḵan diḵayu, pun adi ḵayu bos patangdan.

Matthew 11:4

Ḵanan Jesus, “Mipauli ḵayu ḵan John ya ibagayu da innilayu ḵan dingngoḻyu.

Matthew 12:13

Pun ḵanana si naangḵet, “Uyadom imam.” Inuyadna ḵad, nipaḻ-og woḵ bummaḻu we isun ni biiḵe imana.

Matthew 21:14

Pun ummoy da udume naḵuḻap ya da udume napilaye tagu ḵan Jesus si paway ni templo woḵ ḵinaanna da saḵitda.

Matthew 5:3

“Pian da tagu we antaḻgod ḵan Apudyus atta ngaiman te midogada si ampangatan Apudyus.

Matthew 9:30

Pun daguse naḵaan da ḵuḻapda. Unipun binilibilin Jesus dida woḵ ḵanana, “Adiyu ibaga'tta ngaiman sadi ye ḵingwaḵ.”

Mark 7:37

Pun gattoḵe nataag da tagu woḵ ḵananda, “Ambaḻu da losane ḵingwana! Te maḵwae ḵaanona tuḻong ya umoḻ da tagu ta maḵadongoḻda ḵan maḵagingada.”

Mark 9:25

Innilan ḵad Jesus we aduadu da tagu we sintotoddaḵe ummoy ḵan siya, sinuppaḵana aḻan woḵ ḵananae namaḻyaw, “Siḵae aḻane nangwa si natuḻongan ḵan naumoḻan ni annae abeng, lumawaḵa ya adiḵa ogon lumnoḵ ḵan siya.”

Luke 4:18

“Sa Ispiritu Santu anna ḵan saḵon, te dinutuḵanaḵ aḵ angiwaḻagawag atte Ambaḻu we Damag atta ḵapus ya atta baḻud Satan ta mapuḵayanda, ya diyatoḵ atan da naḵuḻap. Imbuunaḵ os ta puḵayaḵ da ampaḵapaḵaḻam

John 10:25

Ḵanan Jesus, “Ginangputḵu imbaga ḵan diḵayu yaḵon adiḵayupun amati. Da ḵewaaḻe ḵooḵ atte ḵaḻabbongan Amaḵ, dida anaḵdoḻ nu ngaiyaḵ.

John 10:38

Yaḵon nu ḵooḵ dida, taḵon ay nu adiyu saḵon patiyon, patiyonyu oḵyan da ḵooḵ ta igammuwonyu ya maawatanyu we sa Ama awad ḵan saḵon ya awadaḵ os ḵan siya.”

John 2:23

Adu da namati ḵan siya si inggawana'd Jerusalem atte timpun ni Gayagayan da Judyu we ngannonda Nallausan te innilada da nakaskasdaawe sinyale ḵingwana.

John 3:2

Sillabiyan ḵad, ummoy ḵan Jesus woḵ ḵanana, “Mistulu, igammuni ye siḵa imbuun Apudyus we umoy antuttudu ḵan diḵani te naippun maḵaḵwa'tta nakaskasdaawe sinyale ḵoom nu maid aḵ Apudyus ḵan siya.”

John 5:36

Yaḵon awad de anaḵdoḻ ḵan saḵone nangatngatu nu aḵ John. Te da ḵooḵe impaḵwan Amaḵ, sana da anaḵdoḻe saḵon imbuunna.

John 9:7

Ḵanana, “Inḵa daḻ-upan bosaḻnu'tte aammosan ad Siloam.” Sa pion ni ngadane Siloam ḵanan, nibuun. Pun ummoy ḵad nandaḻ-up, naḵaila woḵ ummoyon.

Acts 2:22

Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?