Matthew 10:7 - Sa Ugud Apudyus

⁷ Dinumane ayanyu, iwaḻagawagyu we sinsadi gattoḵe awad ḵan diḵayu ampangatan Apudyus.

Matthew 10:7 Iomraidhean Croise

Matthew 10:8

Ḵaanonyu da saḵit, taguwonyu da natoy, ḵaanonyu saḵit da naleprosy ya paḻyawonyu da aḻan atta naaḻanan. Naippun nambayadyu si annae ḵaḻabbongane innatodḵu ḵan diḵayu, pun adi ḵayu bos patangdan.

Matthew 11:1

Ginangput ḵad Jesus binilin da nasawaḻan aḵ duwae disipuluna, ummoyon woḵ ummoy nantuttudu ya iwwaḻagawagna Ambaḻu we Damag atta adani ye ili.

Matthew 21:31

Pun ḵanan Jesus, “Dinu'tta annae duwa nanuttuwa si pion amada?” Ḵananda, “Sa panguḻu.” Pun ḵanan Jesus ḵan dida, “Ibagaḵ ḵan diḵayu ḵatuttuwaan, sa ḵabasbassuḻane tagu we isun da andadagup atta bugis ya da puta, umun-unada nu diḵayu umoy si ampangatan Apudyus.

Matthew 21:43

“Pun sana ibagaḵ ḵan diḵayu we aḵ Apudyus iginoḵnae angipangat ḵan diḵayu ya siya ipangatana da tagu we angwa'tta ambaḻu we mibagay atta ipangatana.

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 4:17

Inggan ni sadi ye timpu, insaḻad Jesus we nangiwaḻagawag woḵ ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Mark 6:12

Pune sadi, ummoy da disipuluna woḵ iwwaḻagawagdae ibabawin da tagu da basuḻda ya agaydae angwa.

Luke 16:16

“Sa lintog Moses ya sa inggilin da profeta, siya tinuttuwan da tagu inggana si timpun John we Ambobonyag. Inggan ni sadi ye timpu, niwaḻagawag Ambaḻu we Damag mipanggob si ampangatan Apudyus ḵad da losane tagu ipatutdae midoga.

Luke 9:2

pun imbuunna dida ta umoyda iwaḻagawag ampangatan Apudyus ya ḵaanonda da saḵit.

Luke 9:6

Pun nallibbat da disipuluna woḵ nanggaḵayda'tta losane ili ta iwaḻagawagda Ambaḻu we Damag ya ḵaanonda da saḵit.

Luke 9:60

Ḵanan Jesus ḵan siya, “Awad da adipun amati ḵan saḵone isudan natoy, dida asi umoy angilibon atta natoyda. Yaḵon inḵa ya iwaḻagawagnu ampangatan Apudyus.”

John 3:2

Sillabiyan ḵad, ummoy ḵan Jesus woḵ ḵanana, “Mistulu, igammuni ye siḵa imbuun Apudyus we umoy antuttudu ḵan diḵani te naippun maḵaḵwa'tta nakaskasdaawe sinyale ḵoom nu maid aḵ Apudyus ḵan siya.”

Acts 10:25

Anna ḵade lumnoḵ aḵ Peter, ummoy Cornelius inabot woḵ nanalluḵu si sinagung Peter woḵ nandayaw ḵan siya.

Acts 28:31

Natuḻode nangiwaḻagawag ḵan nangituttudu mipanggob si ampangatan Apudyus ya aḵ Apu Jesu Kristu ḵad ippun nanupod ḵan siya.

Acts 4:2

Summangada te intuttudun da Peter ḵan John we ummuli'ḵ Jesus ya iwwaḻagawagdae umuli da losane natoy.