Matthew 10:6 - Sa Ugud Apudyus

⁶ Yaḵon inḵayu'tta buḻun taḵu we ganaḵ Israel we da isudan nataḻaḵe karnero.

Matthew 10:6 Iomraidhean Croise

Matthew 18:10

Pinagatupan Jesus woḵ ḵanana, “Ilanyu ta adiyu am-amsewon ngaiman atta sanae amati ḵan saḵon ya ibelang da udum aḵ nababa te da anghel we anguguwaḻda ḵan dida, patilayune awadda ḵan Amaḵ ad langit.

Matthew 18:11

Saḵon ḵad ose Abeng Di Tagu, ummaliyaḵ ta iyyaḵ sington da tagu we naḵabasuḻ ya taguwoḵ dida ta adin Apudyus dida dusaon aḵ inggana.”

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

Acts 18:6

Yaḵon sinullagin ḵad da Judyu ḵan nan-uguugudanda'ḵ lawweng, iwwagwagna gabu si silupna ta angigammuwandae ḵigadda si madusaanda. Ḵanana, “Nu dusaon Apudyus diḵayu, sa long-agyu amuyuwanyu! Daḵampun aḵ basuḻḵu. Ḵad misaḻad sinsadi, iyyaḵ tuttuduwan da Gentil.”

Acts 26:20

Te ummunae iwwaḻagawagḵu'tta tagu'd Damascus inggana'd Jerusalem ya da losane ili'tte probinsiya'd Judea ya da Gentil ta ibabawida oḵyan da basuḻda ya ansinagungda ḵan Apudyus ḵad ḵoonda ambaḻu we mibagay si nambabawiyanda.

Acts 3:26

Pun ditaḵu we Judyu ummunae pinilin Apudyus ya imbuunna'ḵ Jesus we anserbi ḵan siya ta bindisyunana ditaḵu ta lamog taḵu agaye angwa'tta ḵoḵoḵḵon.”

1 Peter 2:25

Te sa awe, nalimu taḵu we isun da karnero yaḵon sinsadi annae nipauli taḵu ḵan Kristu we angaayyuwan atta ḵalidodwa taḵu.