Matthew 10:4 - Sa Ugud Apudyus

⁴ aḵ Simon we nginadananda'ḵ Angitaḵdog si ilina ya aḵ Judas Iscariot we nangituyuḵ ḵan Jesus.

Matthew 10:4 Iomraidhean Croise

Matthew 26:14

Pun aḵ Judas Iscariot we osa'tta nasawaḻan aḵ duwae disipulun Jesus, ummoy atta papangat da papadi.

Matthew 26:15

Ḵanana, “Ngai ittonyu ḵan saḵon nu ipuḻangḵu'ḵ Jesus ḵan diḵayu?” Pun tinangdananda'ḵ tuḻumpuḻu we palata.

Matthew 26:2

“Igammuyu we aḵ osan ḵabigatna Gayagayan da Judyu we ngannon taḵu Nallausan. Ḵad Saḵone Abeng Di Tagu, mipuḻangaḵ ta mipattoḻaḵ atte kros.”

Matthew 26:47

Sissiya ḵade an-uguugud aḵ Jesus, nadanatong aḵ Judas we osa'tta nasawaḻan aḵ duwae disipuluna. Inninggaw da amode tagu we nibuḻun ḵan siyae nampaḵ-odon aḵ ispada ḵan pang-oḵ. Da papangat da papadi ya da pallakayon da Judyu nangibuun ḵan dida.

Matthew 27:3

Aḵ Judas we nangituyuḵ ḵan Jesus, inigammuna ḵade naḵoddongan aḵ Jesus we matoy, nandadauli'tte ḵingwana. Pun ummoyna impauli pilaḵ atta papangat da papadi ya da pallakayon da Judyu.

Mark 14:10

Aḵ Judas Iscariot osa'tta nasawaḻan aḵ duwae disipulun Jesus, ummoy atta papangat da papadi ta antutuḻaganda inonae angituyuḵ ḵan Jesus ḵan dida.

Mark 14:43

Sissiya ḵade an-uguugud aḵ Jesus, nadanatong aḵ Judas we osa'tta nasawaḻan aḵ duwae disipuluna. Adu da nibuḻun ḵan siyae nampaḵ-odon aḵ ispada ḵan pang-oḵ. Da papangat da papadi, da mimistulun ni lintog ya da pallakayon da Judyu nangibuun ḵan dida.

Luke 22:3

Pun nillumnoḵ aḵ Satan ḵan Judas Iscariot we osa'tta nasawaḻan aḵ duwae disipulun Jesus,

Luke 22:47

Sissiya ḵad aḵ Jesus we maḵaug-uggud atta disipuluna, nadanatong da adu we tagu we impuyut Judas we osa'tta nasawaḻan aḵ duwae disipuluna. Ummadani ḵan Jesus ta ogoḵanae isun di pakumustaona ta mipailae ambuḻbuḻunda.

John 13:2

Angan ḵad da Jesus si sadi ye labi, impaspasmoḵ Satan ḵan Judas Iscariot we abeng Simon we ituyuḵna'ḵ Jesus.

John 6:64

Yaḵon awad ḵan diḵayu da adipun amati.” Te gagangaye inigammun Jesus nu ngai da adipun amati ya sa angituyuḵ ḵan siya.

John 6:71

Siya piona ugudon aḵ Judas Iscariot we abeng Simon we taḵon ay nu osa'tta nasawaḻan aḵ duwae disipuluna, siya asi angituyuḵ ḵan Jesus.

Acts 1:13

Dummatongda ḵad ad Jerusalem, ummoyda si ngatu we kuwartun ni boḻoye inggawanda. Da inninggaw ḵad aḵ Peter, John, James, Andrew, Philip, Thomas, Bartholomew, Matthew, James we abeng Alphaeus ya aḵ Simon we ngannonda Angitaḵdog si ilina ya aḵ Judas we abeng James.

Acts 1:25

aḵ mipasani si ḵinaapostol Judas. Te nan-awidana nanserbiyanae ḵinaapostolna woḵ ummoy si ḵuwanae lugar.”