Matthew 10:27 - Sa Ugud Apudyus

²⁷ Sa ibagaḵ ḵan diḵayu'tte umabus taḵu'tta labi, ḵasapuḻane mipaigammu'tta adu we tagu'tta aḻgaw. Ḵad sa iyagapaapḵu ḵan diḵayu, ḵasapuḻan ose iyip-ipḵawyu'tta losane tagu.

Matthew 10:27 Iomraidhean Croise

Matthew 24:17

Sa tagu we awad si otop ni boḻoyna, umawid oḵyane dagus ta mataguwana ya adi mataḵtaḵe lumogsade umoy angaḻa'tta ḵuḵuwana.

Luke 12:3

Pun da imbagayu si giḵbot, maigammuda si aḻgaw ya da iyyagapaapyu'd daḻom, miwaḻagawagda ta dongngon da adu we tagu.”

Luke 8:10

Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Yaḵon da udume tagu ipaniḵe antuttudu ḵan dida ta taḵon ay nu iillanda da banage ḵooḵ, adidapun maḵaimatun ya taḵon ay nu dodongngonda da banage ibagaḵ, adidapun maawatan.

John 16:1

“Imbagaḵ da anna ḵan diḵayu ta adiyu an-awidan da pammatiyu.

John 16:13

Nu umali Ispiritu Santu we angituttudu si ḵatuttuwaan mipanggob ḵan Apudyus, idaḻanna diḵayu ta maawatanyu da losane ḵatuttuwaan te adipun an-ugud atte ḵuwanae ḵaḻabbongan yaḵon ngaimane dongngona siya ugudona. Ḵad ipaigammuna ḵan diḵayu da maḵwa si umali ye aḻgaw.

John 16:25

Pinagatupan Jesus woḵ ḵanana, “Imbagaḵ ḵan diḵayu da anna si pani. Yaḵon dumatong timpu we adiḵpun ogon ipani ye an-ugud ḵan diḵayu yaḵon ibabaggaḵ ḵan diḵayu mipanggob ḵan Amaḵ.

John 16:29

Pun ḵanan da disipuluna, “Sinsadi ibabaggame an-ugud, daḵampun ogon aḵ ipanim.

Acts 17:17

Pun ummoy atte sinagoga naḵasossongbat atta Judyu ya da Gentil we nanaydayaw ḵan Apudyus. Inaḻgaw ose ummoy atta lugar we andaḵdaḵngan da adu we tagu ya naḵasossongbat atta tagu we inggaw sidi.

Acts 5:20

“Inḵayu si templo ya ibagayu'tta tagu mipanggob si biyag aḵ inggana.”

Acts 5:28

Ḵanana, “Binilibilinni diḵayu we adiyu ituttudu mipanggob atte ngadan ni annae tagu. Yaḵon amo impaigammuyu si intero we Jerusalem ya ipabasuḻyu bos ḵan diḵani natoyana.”

2 Corinthians 3:12

Gapu ta anna ḵan diḵani ḵaḵnate namnamaonni ye iinggaw aḵ inggana Baru we Tuḻag, amod de tuḻodni ye angiwaḻagawag si Ambaḻu we Damag.