Matthew 10:2 - Sa Ugud Apudyus

² Annaya da ngadan da nasawaḻan aḵ duwae apostol Jesus, aḵ Simon we nginadananda'ḵ Peter, aḵ Andrew we sunudna, da James ḵan John we abeng Zebedee,

Matthew 10:2 Iomraidhean Croise

Matthew 17:1

Naḻaḵpus ḵad onom aḻgaw, inayagan Jesus aḵ Peter ya da James ḵan John we ansunud woḵ nanagadadae mismu atte antaḵnange beleg.

Matthew 20:20

Pune sadi, ummoy ummadani asawan Zebedee ya da duwae abengnae laḻaḵi ḵan Jesus. Pun nanalluḵu si sinagung Jesus woḵ ḵanana, “Apu, awad de pioḵ ḵodawon.”

Matthew 26:37

Inayagana'ḵ Peter ya da duwae abeng Zebedee woḵ nibuḻunda ḵan siya. Inggan ni sadi, bummaduuḻ ya nasaliduduwan somsomoḵna.

Matthew 4:18

Nanadtaddaḻan ḵad aḵ Jesus atte taḻantag ni Baybay ad Galilee, innilana da duwae ansunude mammaugadiwe anabuḵuḻ, da Simon we ngannonda Peter ḵan Andrew.

Matthew 4:21

Pinagatupan ḵad Jesus we nanaddaḻan innilana bos da duwae ansunud, da James ḵan John we abeng Zebedee. Inninggawda si bangka ḵan Zebedee ye amadae angisagana si tabuḵuḻda. Pun inayagan Jesus dida.

Mark 1:29

Pune sadi, lummawa ḵad da Jesus si sinagoga, ummoyda si boḻoy da Simon ḵan Andrew. Naḵaoy os da James ḵan John.

Mark 13:3

Pun nanagadada'tte Beleg Olives woḵ tummuḵdu'ḵ Jesus we nansinagung si paway ni templo. Unipun ummadani ḵan siya da Peter, James, John ya aḵ Andrew woḵ ḵananda,

Mark 6:30

Nipauli ḵad da apostol ḵan Jesus, impaigammuda da losane ḵingwada ya da intuttududa.

Luke 11:49

Sadi angipaila'tte ḵinalaing Apudyus we ḵanana, ‘Ibuunḵu da profetaḵ ya da apostol ḵan dida ya gongatonda da udum ḵad ampaḵaḻamonda bos da udum.’

Luke 22:14

Dummatong ḵad ustu we timpu, naḵatuḵdu'ḵ Jesus atta apostolna ta anganda.

Luke 22:8

Pun imbuun Jesus da Peter ḵan John woḵ ḵanana, “Inḵayu isagana ḵanon taḵu'tte Gayagayae ngannon taḵu Nallausan.”

Luke 5:10

Nataag os da buḻunnae da James ḵan John we abeng Zebedee. Pune sadi, ḵanan Jesus ḵan Simon, “Adiḵa maḵimut te misaḻad sinsadi, daḵampun ogon aḵ ugadiw tabuḵuḻam yaḵon da tagu ta amatida ḵan saḵon.”

Luke 9:10

Nipauli ḵad da apostol, imbagada ḵan Jesus da ḵingwada woḵ nampabuḻun aḵ Jesus ḵan dida si ili'd Bethsaida ta umabusda.

John 12:22

Ummoy Philip imbaga ḵan Andrew woḵ ummoydae duwa imbaga ḵan Jesus.

John 13:23

Sa osa'tta disipulu we ay-ayatona, ansasaḻay si daḻnigna.

John 20:2

Pun nanoddaḵe ummoy ḵan da Simon Peter ya sa osae disipulu we ay-ayaton Jesus woḵ ḵanan Mary ḵan dida, “Innaḻada ladag Apu Jesus ḵad ippun igammuni nu dinu nangiggaanda.”

John 21:2

Nandatdatong da Simon Peter, Thomas we ngannonda Ḵapil, aḵ Nathanael we iCana si ili'tte probinsiya'd Galilee, da duwae abeng Zebedee ya da duwae disipuluna.

John 21:20

Nantawili'ḵ Peter woḵ innilana disipulu we ay-ayaton Jesus we mituntun-ud ḵan dida. Siya nansaḻay si daḻnig Jesus si nangananda woḵ ḵanana, “Apu, ngai sanate angituyuḵ ḵan siḵa?”

John 21:24

Sana disipulun Jesus we anaḵdoḻ atta sanae banag ya siya bos nangigili. Ḵad igammuni ye tuttuwa da tinaḵdoḻana.

John 6:67

Pune sadi, ḵanan Jesus atta nasawaḻan aḵ duwae disipulu, “Ḵan diḵayu, pionyu ḵammane tenanaḵ os?”

John 6:70

Pun ḵanan Jesus, “Daḵampun ḵamman aḵ saḵon namili ḵan diḵayu we nasawaḻan aḵ duwa? Yaḵon awad pagay osa ḵan diḵayu we dimunyu.”

John 6:71

Siya piona ugudon aḵ Judas Iscariot we abeng Simon we taḵon ay nu osa'tta nasawaḻan aḵ duwae disipuluna, siya asi angituyuḵ ḵan Jesus.

John 6:8

Gumminga ḵad aḵ Andrew we sunud Simon Peter ya osa bos atta disipulu ḵanana,

Acts 1:13

Dummatongda ḵad ad Jerusalem, ummoyda si ngatu we kuwartun ni boḻoye inggawanda. Da inninggaw ḵad aḵ Peter, John, James, Andrew, Philip, Thomas, Bartholomew, Matthew, James we abeng Alphaeus ya aḵ Simon we ngannonda Angitaḵdog si ilina ya aḵ Judas we abeng James.

Acts 1:26

Pun nambubbunutda ḵad nabunut aḵ Matthias woḵ midoga'tta nasawaḻan aḵ ossaane apostol.

Acts 12:2

Impasiwatna uḻun James we sunud John.

Acts 3:1

Sin-aḻgawan ḵad, ummoy da Peter ḵan John atte paway ni templo si ummag-agaw te sadi orase alluwaḻuwan.

1 Corinthians 15:7

Pun nampaila bos ḵan James woḵ asiyot os atta losane apostolna.

Ephesians 4:11

Ḵad siya bos nangitod atta nankalakalasi ye ḵabooḻan atte gimung da namati. Dinutuḵana da udum aḵ apostol ya da udum aḵ profetana. Da udum dinutuḵana'ḵ angiwaḻagawag si Ambaḻu we Damag atta ḵinailin di ili ya da udum aḵ pastor ya da udum aḵ mimistulu.

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.

1 Peter 1:1

Saḵon aḵ Peter we apostol Jesu Kristu. Annaya suḻatḵu ḵan diḵayu we tagu we pinilin Apudyus we isun di mangili si annae lubunge naas-asipaḻaḵ atta ili'd Pontus, Galatia, Cappadocia, Asia ya ad Bithynia.

2 Peter 1:1

Saḵon aḵ Simon Peter we osa'tta apostol Jesu Kristu we anserbi ḵan siya. Annaya bos suḻatḵu ḵan diḵayu we innattan Apudyus aḵ pammati ye ippun nisabaliyana si pammatini mipagapu si naun-unan Jesu Kristu we Apudyus taḵu ya Anagu ḵan ditaḵu.

2 John 1:1

Patpatgoḵe ina, Saḵon aḵ John we osa'tta angipangpangu'tta namati. Annaya suḻatḵu ḵan siḵae pinilin Apudyus ya da abengnu. Sipupusu annae ayatḵu ḵan diḵayu. Ḵad daḵampun aḵ saḵone abus angayat ḵan diḵayu yaḵon losan os atta angigammu si ḵatuttuwaan.

3 John 1:1

Patpatgoḵe Gaius, Saḵon aḵ John we osa'tta angipangpangu'tta namati. Annaya suḻatḵu ḵan siḵae buḻbuḻunḵu. Sipupusu ayatḵu ḵan siḵa. Ilulluwaḻuḵe ambaḻu biyagnu ya ampigsa bos long-agnu we isuna pigsan ni pammatim.

Revelation 1:1

Saḵon aḵ John we nangigili si annae iblu atta banage impaigammun Jesu Kristu we ḵasapuḻane madam-an maḵwa. Aḵ Apudyus nangipaigammu ḵan siya ta ipaigammuna bos atta tagu we anserbi ḵan siya. Pun imbuun Kristu anghelna aḵ angipaigammu ḵan saḵone sammiluna.

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.

Revelation 18:20

“Diḵayu we awad ad langit, anggangganas ḵayu'tte nadadailana. Diḵayu we tagun Apudyus, da apostol ya da profetana, maganasan ḵayu bos te dinusan Apudyus sanae siyudad gapu'tta losane ḵingwana ḵan diḵayu.”

Revelation 22:8

Saḵon aḵ John we nangngoḻ ya nangitollong atta annae nigili. Sa nangngoḻaḵ ḵan nangitollongaḵ, nanalluḵuwaḵ atte sinagung ni anghel we sa nangipaila ḵan saḵon ta andayawaḵ oḵyan ḵan siya.