Matthew 10:19 - Sa Ugud Apudyus

¹⁹ Ḵad nu sumaḻyaonda diḵayu, adi ḵayu ambinsaw mipanggob si inonyu we anaḵdoḻ si mipanggob ḵan saḵon ya sa isongbatyu te sa sadi ye timpu mipaigammu da ustu we ugudonyu.

Matthew 10:19 Iomraidhean Croise

Matthew 10:18

Gapu'tte pammatiyu ḵan saḵon, midaḻum ḵayu'tta gobernor ya da ari ta panoḵnoḵanyu Ambaḻu we Damag ḵan dida ya da Gentil.

Matthew 6:25

Pinagatupan Jesus woḵ ḵanana, “Pun sa ibagaḵ ḵan diḵayu, adi ḵayu ambinsaw mipanggob atta biyagyu, da ḵanonyu, baḵon nu da inumonyu, baḵon nu sa mipanggob atta long-agyu ya da ansilupyu. Te napatpatog biyagyu nu sa maḵan ya napatpatog da long-agyu nu da silup.

Matthew 6:31

Pun adi ḵayu ambinsawe ḵananyu, ‘Dinu maḻpuwan ni ḵanoḵ baḵon nu inumoḵ baḵon nu ansilupḵu?’

Matthew 6:34

Pun adi ḵayu bos ambinsaw atta ampaḵaḻamane dumatong appigat. Te sa umali ye aḻgaw, awad de ḵuwanae binimbinsaw. Sa binimbinsaw atte osae aḻgaw lamog ni sanate aḻgaw, pun adi taḵu amo dog-an.”

Luke 12:11

“Ḵad nu iyoy diḵayu idaḻum atta sinagoga baḵon nu da papangat ya da awad da ḵaḻabbonganda, adi ḵayu ambinsaw atta isongbatyu ya da ibagayu.

Luke 12:12

Te sa sadi ye oras, ipaigammun ni Ispiritu Santu da ugudonyu.”

Acts 6:10

Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.

Philippians 4:6

Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos.

2 Timothy 4:17

Yaḵon taḵon ay nu ḵatti ḵingwada, adiyaḵpun nan-awidan ḵan Apu. Siya ḵingwana pinapigsana saḵon ta awad inoḵe angiwaḻagawag atte Ambaḻu we Damag ta dongngon da losane Gentil. Sinaḻaḵnibana saḵon atta tagu we pionda gongaton saḵon.

James 1:5

Nu awad osa ḵan diḵayu'ḵ angkurang atte ḵinalaing, alluwaḻu oḵyan ḵan Apudyus woḵ aaddi ye maatod. Te aḵ Apudyus allaay atta losane tagu ya adinapun dida pabainan nu anḵodawda.