Matthew 10:15 - Sa Ugud Apudyus

¹⁵ Ibagaḵ ḵan diḵayu ḵatuttuwaan, nu dumatong anguwisan Apudyus atta losane tagu, nadagdagson dusan da tagu si sadi ye ili nu sa dusan da iSodom ḵan iGomorrah.”

Matthew 10:15 Iomraidhean Croise

Matthew 12:36

Ibagaḵ ḵan diḵayu, nu dumatong aḻgawe anḵuwisan Apudyus, awad osa ya songbatana da losane ippun anunae inugudna.

Matthew 5:18

Ibagaḵ ḵan diḵayu ḵatuttuwaan, taḵon ay nu mawawan langit ḵan luta, naippun paat mataḻaḵ, taḵon ay simpattoḵe Lintog Apudyus inggana'ḵ mituttuwa da panggob Apudyus.

Matthew 7:22

Ḵad nu dumatong anguwisan Apudyus atta losane tagu, adu da ḵananda ḵan saḵone, ‘Apu, Apu, inusarni ḵaḻabbongam atta nangwaanni'tta sanae banag. Imbagani da paibagan Apudyus ya pinaḻyawni da aḻan ya ḵingwani da nakaskasdaaw.’

Mark 6:11

Yaḵon nu awad ili'ḵ ayanyu ya adidapun mangiliyon ḵan dongngon da ibagayu, tenanyu. Ḵad nu inḵayun, ipaḻpagyu gabu'tta dapanyu ta igammuwondae dida asi ḵigad atte madusaanda.”

John 12:48

Sa angidiyan ḵan saḵon ya adipun anuttuwa'tte ugudḵu awad de anguwis. Sa inugudḵu siya anguwis ḵan siya si anungus ni aḻgaw.

John 6:39

Ḵad sa pinion ni nangibuun ḵan saḵon, ayyuwanana da innatodnae amati ḵan saḵon. Pauliyoḵ dida taguwon si anungus ni aḻgaw,

John 6:40

te sa pinion Amaḵ, losane angimatune saḵon Abengna ya amati ḵan saḵon, maittanda si biyag aḵ inggana. Ḵad pauliyoḵ dida taguwon si anungus ni aḻgaw.”

Acts 17:31

Te inḵoddongna aḻgawe anguwisana'tta losane tagu si lubung. Dinutuḵana'ḵ Jesus we naun-unane anḵuwis woḵ pinanoḵnoḵanae siya dinutuḵana si nanaguwana ḵan siya.”

1 Corinthians 3:13

Ḵad sa aḻgawe anguwisan Apu atta losane tagu, mipaila ustu we ḵinapatog da ḵingwan ni sin-ossaossa te mapadas si apuy.

1 Thessalonians 5:4

Yaḵon ḵan diḵayu susunud, daḵampun ogon aḵ anna ḵayu si pongote maaddagan nu dumatong Aḻgaw Apu we mapoḵḵatane isun ni umaliyan ni aḵḵawan.

Hebrews 10:25

Adi taḵu oḵyan iwaḻange magimugimung atta buḻun taḵu we namati ye isun ni ḵoḵoḵḵon da udum yaḵon sa ḵoon taḵu amo an-asisoḻgag taḵu, dallu gay sinsadi ye madam-an mipauliyan Apu Jesus.

2 Peter 2:6

Dinusan os Apudyus da siyudad ad Sodom ḵan Gomorrah. Te singgobna da tagu ya da ilida inggana'ḵ dummapuḻda ya nambalinona dida'ḵ ampaniyan da adipun amati ḵan siya.

2 Peter 2:9

Losan da sadi ye naḵwa'tte awe, sadi angigammuwan taḵu we aḵ Apudyus igammunae anagu'tta naapudyusane tagu'tta ampaḵaḻamanda. Ḵad igammuna bose angibaḻud atta tagu ta asida madusa si aḻgawe anguwisana'tta tagu.

2 Peter 3:7

Sinsadi, mipagapu bos atte Ugud Apudyus, nisasaggana annae langit ḵan lutae dadailon ni apuy nu dumatong aḻgawe anguwisan Apudyus atta tagu we ḵabasbassuḻan ta madusada'ḵ inggana.

1 John 4:17

Ḵad nu ḵatti isun ni biyag taḵu, amo madog-an ayat taḵu ta ippun ogon kurangna. Ḵad antaḻgod taḵu si aḻgawe anguwisan Apudyus atta tagu te sa ugali taḵu'tte lubung, isuna bos ugalin Kristu.

Jude 1:6

Sosomḵonyu ḵad os da anghel we adipun nat-op atte saaddae innatod Apudyus ḵan dida woḵ tinenanda ustu we inggawanda'd langit. Gapu si nangwaanda'tte sadi, ḵinawadan Apudyus dida'ḵ inggana woḵ imbaḻudna dida si ḵagiḵbotan inggana'ḵ dumatong aḻgawe anguwisana ḵan dida.

Jude 1:7

Isun os ni naḵwa'tta ummili'd Sodom ḵan Gomorrah ya da nampaliḵwose ili. Naḵabasuḻda ḵad atte dagdagas ya da losane pipion da long-agda, singgob Apudyus dida ya da ilida. Pun sadi oḵyan angipaila ḵan ditaḵu we dusaon Apudyus da adipun amati si apuye ippun maḵdopana'ḵ inggana.