Matthew 10:1 - Sa Ugud Apudyus

¹ Sin-aḻgawan ḵad, inayagan Jesus da nasawaḻan aḵ duwae disipuluna. Pun innatodna ḵaḻabbongan ḵan didae amaḻyaw atta aḻan ya angaan atta losane kalasin di saḵit ya da ampaḵaḻaman da tagu.

Matthew 10:1 Iomraidhean Croise

Matthew 19:28

Ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abeng Di Tagu, nu dumatong tumuḵduwaḵ si tronoḵe an-ari nu ḵoon Apudyus baru we lubung, diḵayu we nasawaḻan aḵ duwae nibuḻubuḻun ḵan saḵon, tumuḵdu ḵayu bos atta nasawaḻan aḵ duwae trono we angipangat ḵan anguwis atta ganaḵ da nasawaḻan aḵ duwae abeng Israel.

Matthew 26:20

Lummabi ḵad, naḵatuḵdu'ḵ Jesus atta nasawaḻan aḵ duwae disipuluna ta anganda.

Matthew 26:47

Sissiya ḵade an-uguugud aḵ Jesus, nadanatong aḵ Judas we osa'tta nasawaḻan aḵ duwae disipuluna. Inninggaw da amode tagu we nibuḻun ḵan siyae nampaḵ-odon aḵ ispada ḵan pang-oḵ. Da papangat da papadi ya da pallakayon da Judyu nangibuun ḵan dida.

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

Matthew 9:35

Ginaḵagaḵay Jesus da losane siyudad ḵan losane ili. Nantuttudu'tta sinagogada ya iwwaḻagawagna Ambaḻu we Damag mipanggob si ampangatan Apudyus ḵan ḵinaanna bos da losane kalasin di saḵit ya da ampaḵaḻaman da tagu.

Matthew 9:38

Pun iluwaḻuyu ḵan Apudyus we sinḵuwa'tta maani ta angibuun aḵ aduadu'ḵ umoy an-ani.”

Luke 10:19

Innatodḵu ḵan diḵayu ḵabooḻan ta oḻgonyu'ḵ Satan. Taḵon ay ngai ḵoonae amadas si ḵabooḻana, adiḵayupun paat madiwdiwat. On, taḵon ay gusdanyu da uḻog ya da gayyaman!

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

Luke 24:49

Ḵad saḵone mismu angibuun si inkarin Amaḵ ḵan diḵayu. Yaḵon ḵasapuḻane uwayonyu sina'd Jerusalem inggana'ḵ awatonyu ḵabooḻane maḻpu'd langit.”

Luke 6:13

Nabigat ḵad, inayagana da disipuluna woḵ pinilina da nasawaḻan aḵ duwae nginadanana'ḵ apostol.

John 17:2

Te innatodnu ḵan saḵon ḵaḻabbongane angipangat atta losane tagu ta ittoḵ biyag aḵ inggana'tta losane innatodnu ḵan saḵon.

John 3:27

Summongbat aḵ John woḵ ḵanana, “Naippun tagu'ḵ awad awatona nu adi abus maatod ḵan siyae maḻpu ḵan Apudyus.

John 3:35

Te aḵ Ama we Apudyus, ayatona abengna woḵ impuḻangna ḵan siya da losan.

John 6:70

Pun ḵanan Jesus, “Daḵampun ḵamman aḵ saḵon namili ḵan diḵayu we nasawaḻan aḵ duwa? Yaḵon awad pagay osa ḵan diḵayu we dimunyu.”

Acts 1:8

Yaḵon nu umali Ispiritu Santu ḵan diḵayu, maittan ḵayu'tte ḵabooḻan Apudyus ta iwaḻagawagyu mipanggob ḵan saḵon sina'd Jerusalem ya da adu we ili'tta probinsiya'd Judea ḵan Samaria ya sa intero we lubung.”

Acts 19:15

Yaḵon ḵanan ni aḻane summongbat ḵan dida, “Aḵ Jesus igammuḵ, aḵ Paul igammuḵ yaḵon ngai ḵayu?”

Revelation 12:1

Pune sadi, nampaila nakaskasdaawe sinyal ad langit. Te nampaila bubai ye nasilupan atte isuna siling ni inite summisiḵad atte soḻag. Nakoronaan atta nasawaḻan aḵ duwae bituwon.