Mark 9:9 - Sa Ugud Apudyus

⁹ Nan-osogda ḵad, ḵanan Jesus we namilin ḵan dida, “Adiyu ugudon atta ngaiman da innilayu inggana'ḵ umuliyaḵe Abeng Di Tagu.”

Mark 9:9 Iomraidhean Croise

Matthew 12:19

Adipun maḵasossongbat baḵon nu pumaleset baḵon nu anaddangsoḻe guminga'tta ḵaḻsa.

Matthew 12:40

Te aḵ Profeta Jonah, inninggaw atte buwang ni daḵodaḵoḻe ugadiw si tuḻun aḻgaw ya tuḻun labi. Siya isun ni maḵwa ḵan saḵone Abeng Di Tagu. Inggawaḵ os si libon aḵ tuḻun aḻgaw ya tuḻun labi.

Matthew 16:21

Inggan ni sadi ye timpu, insaḻad Jesus we angibagabaga'tta disipuluna mipanggob si maḵwa ḵan siya'tte umali ye aḻgaw woḵ ḵanana, “Ḵasapuḻane iyyaḵ ad Jerusalem ya ampaḵaḻamonaḵ atta pallakayon da Judyu ya da papangat da papadi ya da mimistulun ni lintog. Ḵade sadi impagongatda saḵon yaḵon sa miḵaḵlu we aḻgaw, taguwon Apudyus saḵon.”

Matthew 27:63

Ḵananda ḵan Gobernor Pilate, “Apu, inḵagasmoḵni ye sa sissiyae matattaguwan ni sanate tuliyan, ḵanana, ‘Umuli nu maḻaḵpus tuḻun aḻgaw.’

Matthew 8:4

Ḵanan Jesus, “Inḵa ipaila long-agnu si padi ta panoḵnoḵanae naḵaan saḵitnu. Ḵad ittom ḵan siya idatunnu ḵan Apudyus we isun ni imbilin Moses ta amanoḵnoḵan da tagu we ḵawagase naḵaan pagay saḵitnu. Malaksid atte padi, adim paat ibaga ḵingwaḵ ḵan siḵa'tta ngaiman.”

Mark 5:43

Imbilibilin Jesus ḵan didae adida ug-uggudon atta ngaiman da naḵwa woḵ ḵanana bos, “Ittanyu'ḵ ḵanona.”

Mark 7:36

Imbilin Jesus ḵan didae adida paat ug-uggudon atta ngaiman. Yaḵon taḵon ay nu binilibilinna dida, amo inuguugudda.

Mark 9:10

Tinuttuwan da disipulu imbagana woḵ adidapun inug-uggud atta ngaiman. Yaḵon nan-asiimusda nu ngai piona ḵanan atte inugudnae umuli.

Mark 9:8

Baag-en nallangḻangada ḵad, ippun udum aḵ innilada yaḵon abus aḵ Jesus.

Luke 24:46

Ḵanana ḵan dida, “Annaya nigili: Ḵasapuḻane ampaḵaḻam ya matoy Kristu ḵad matagu'tte miḵaḵlu we aḻgaw.

Luke 9:36

Nagangput ḵade nan-ugud, innilan da apostol we ummabus aḵ Jesus. Sa sadi ye timpu, adidapun paat imbaga da innilada atta ngaimane tagu.