Mark 9:7 - Sa Ugud Apudyus

⁷ Pune sadi nannaḵunaḵ libuu ḵan dida pun dingngoḻda gingae naḻpu'tte libuu we ḵanana, “Annaya Abengḵu we ay-ayatoḵ. Dongngonyu da ibagana.”

Mark 9:7 Iomraidhean Croise

Matthew 27:43

Antaḻgod ḵan Apudyus woḵ ḵanana, ‘Saḵon Abeng Apudyus.’ Pun ilan taḵu nu iligsin Apudyus sinsadi.”

Matthew 27:54

Giniḵnan ḵad ni ḵapitan ya da suḻdadu we nanguguwaḻda ḵan Jesus lunig ya innilada da losane naḵwa, naḵimtanda woḵ ḵananda, “Tuttuwae Abeng Apudyus anna!”

Matthew 3:17

Baag-en ḵanan ni gingae naḻpu'd langit, “Annaya Abengḵu we ay-ayatoḵ ya mamas-omaḵ ḵan siya.”

Mark 1:11

Pun dingngoḻna gingae naḻpu'd langite ḵanana, “Siḵa abengḵu we ay-ayatoḵ ya mamas-omaḵ ḵan siḵa.”

Mark 9:6

Ippun igammuna'tta inugudna te ummamdan ḵimutda.

Mark 9:8

Baag-en nallangḻangada ḵad, ippun udum aḵ innilada yaḵon abus aḵ Jesus.

Luke 3:22

Pun dummoḻa Ispiritu Santu we isunan kalapati woḵ nansap-oy ḵan siya. Ḵanan ni gingae naḻpu'd langit, “Siḵa Abengḵu we ay-ayatoḵ ya masmas-omaḵ ḵan siḵa.”

John 1:34

Innilaḵe mismu, pun panoḵnoḵaḵe siya tuttuwae Abeng Apudyus.”

John 1:49

Pun ḵanan Nathanael, “Mistulu, siḵa Abeng Apudyus! Siḵa Ari'd Israel!”

John 12:28

Pun ḵanana ḵan Apudyus, “Ama, ipailam ḵinadayawnu.” Pun inninggaw gingae naḻpu'd langite ḵanana, “Impailaḵ ḵinadayawḵu ḵad asiḵ os ipaila ḵasin.”

John 19:7

Ḵanan da Judyu we summongbat, “Awad de lintogni ye ḵasapuḻane matoy aḵ Jesus te ngannona long-agna'ḵ Abeng Apudyus.”

John 20:31

Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

John 5:18

Gapu'tte sadi ye imbagan Jesus, amo pion da papangat da Judyu we gongaton. Te daḵampun ay aḵ abus nilisalisna lintog atte umillongan yaḵon imbagana bose aḵ Apudyus Amana ḵad iyisuna long-agna ḵan Apudyus.

John 5:37

Aḵ Amaḵ we nangibuun ḵan saḵon, tinaḵdoḻanae mismu mipanggob ḵan saḵon yaḵon adiyupun dingngoḻ gingana ḵan innila bosaḻna.

John 6:69

Namati ḵani ḵan iniiggammuni ye siḵa nasantuwane imbuun Apudyus.”

John 9:35

Dingngoḻ ḵad Jesus we pinaḻyawda laḻaḵi, ummoyna singngit woḵ indasana. Ḵanana ḵan siya, “Amatiḵa pagay si Abeng Di Tagu?”

Acts 1:9

Inabus ḵad Jesus imbaga da sana, nipangatu'd langite tatangngadonda inggana'ḵ natalingdan atte libuu.

Acts 7:37

Aḵ Moses we mismu nangibaga'tta ganaḵ Israel ḵanane, ‘Sa umali ye aḻgaw, awad de osae profeta we isuḵe ibuun Apudyus ḵan diḵayu we maḻpu ḵan diḵani ye susunude ganaḵ Israel.’

Acts 8:36

Naaḵatda ḵade nallugan, dummatongda'tte igaw ni danum woḵ ḵanan ni opisyal, “Ilam, annaya danum! Ngai maḵatupod ḵan saḵone pabonyag?”

Romans 1:4

Nu mipanggob os si ḵinaapudyusna, impailan Apudyus we siya maḵabooḻe Abengna atte ummuliyana. Siya'ḵ Jesu Kristu we Apu taḵu.

Hebrews 2:1

Pun ḵasapuḻane amo popotpotan taḵu ḵatuttuwaane dingngoḻ taḵu ta adi taḵu iwaḻang pammati taḵu'tte ḵatuttuwaane isun ni bangkae umadayu'tte ustu we ayana.

2 Peter 1:17

Te diḵani da buḻunna'tte beleg Apudyus si nangidayawan ya nangipatogan Apudyus we Ama ḵan siya ya sa nangipail-ana si sumilisilinge ḵinaapudyusna. Dingngoḻni ye mismu gingan ni maḵabooḻe Apudyus we naḻpu'd langite ḵanana, “Annaya ay-ayatoḵe Abengḵu we mas-omaḵ.”

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

Revelation 1:7

Sosomḵonyu anna, umali'ḵ Jesus we midoga'tta libuu ḵad ilan da losane tagu. Taḵon ay da nanuy-uḵ ḵan siya, ilanda ya da losane tagu sina'd luta sin-iibilda gapu'tte ogyatda. Tuttuwa da anna. Amen.