Mark 9:43 - Sa Ugud Apudyus

^43-44 Nu sa imam gapun ni maḵabasuḻam, puttam! Te unnoyna paḵing imame umoy si biyag aḵ inggana nu sa wadawad duwae imam ya miballuḵa'd infiernu si apuye adipun paat masobsoban.

Mark 9:43 Iomraidhean Croise

Matthew 17:27

Yaḵon daḵampun aḵ pion taḵu paḻawengon da annae tagu. Inḵa amungwit si baybay. Ḵad itaḵdangnu umunae ugadiwe mabungwitan. Ḵad taḵangom sungadna ḵad awad de pilaḵe laḻammogta ambayad si bugista. Aḻam ya binayadam bugista.”

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.

Matthew 3:12

Naḵasaganae anguwis atta tagu ḵad mipani anḵuḵuwisna'tte tagu we naḵasaganae antopa si de wheat. Sa bogas ni de wheat, dagupona ya igappotna'tte aḻangna. Yaḵon sa losane dugi, aminona aḻan ya soggona'tte apuye adipun masobsoban.”

Matthew 5:22

Yaḵon sa ibagaḵ ḵan diḵayu, ngaimane sumasanga si asintataguna maḵuwis ḵan maḵoddongan aḵ madusa. Ngai ḵad ose angibabbain atte asintatagunae ḵanana, ‘Ippun paat silbim,’ midaḻum atta ḵuḵunsisaḻ. Isun os da ḵanandae, ‘Dong-ogḵa,’ inḵa si apuy ad infiernu.

Luke 14:13

Yaḵon sa ḵoom ḵad oḵyan, ayagam da ḵamḵama, da naparalaes, da napilay ya da naḵuḻap.

Luke 14:21

“Pun nipauli sammilu woḵ imbagana da losan si apuna. Pun amod de sangan ni apuna woḵ ḵanana si sammiluna, ‘Agagame umoy atte ḵaḻsa ya sa lugar we andaḵdaḵngan da adu we tagu atte ili ta ayagam da ḵapus, da naparalaes, da naḵuḻap ya da napilay ta umalida maḵaḵan.’

Luke 3:17

Naḵasaganae anguwis atta tagu ḵad mipani anḵuḵuwisna'tte tagu we naḵasaganae antopa si de wheat. Sa bogas ni de wheat, dagupona ya igappotna'tte aḻangna. Yaḵon sa losane dugi, aminona aḻan ya soggona'tte apuye adipun masobsoban.”

Romans 8:13

Te nu tuttuwaon taḵu da pipion da long-ag taḵu, matoy taḵu ḵad misina taḵu ḵan Apudyus aḵ inggana. Yaḵon nu an-awidan taḵu da pipion da long-ag taḵu mipagapu'tte ḵabooḻan ni Ispiritu Santu, matagu taḵu'ḵ inggana.

1 Corinthians 9:27

Disiplinaoḵ long-agḵu ta adiḵ unudon da lawwenge piona ta magangput ḵade iwaḻagawagḵu'tta udum, adiyaḵpun maḵaan.

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

Titus 2:12

Gapu'tte sanae ḵadaguna, ituttuduna ḵan ditaḵu we an-awidan taḵu da losane ummadayuwan taḵu ḵan siya ya da losane amaamayon ta tupodon taḵu da long-ag taḵu. Ḵad unudon taḵu naun-unan ya sa naapudyusane antatagu si annae lubung.

Hebrews 12:1

Ditaḵu ḵad, naliḵwos taḵu'tta aduadu we anaḵdoḻ atte pammatida. Pun ḵasapuḻane ḵaanon taḵu da losane maḵatupod atte amatiyan taḵu amod ay basuḻe allaḵod ḵan ditaḵu, we isun di maḵatodtoddaḵe iggana ḵabooḻanae anoddaḵ.

1 Peter 2:1

Pun an-awidanyu da losane ḵoḵoḵḵon. Ippun oḵyan tinutuli, apos, ḵapappaila ḵan diḵayu ya adiḵayu oḵyan an-ugud aḵ lawweng si mipanggob atta asintataguyu.