Mark 9:41 - Sa Ugud Apudyus

⁴¹ Ibagaḵ ḵan diḵayu ḵatuttuwaan, ngaimane amainum ḵan diḵayu gapu ta diḵayu da disipulun Kristu, aaddi ye magungunaan ḵan Apudyus.”

Mark 9:41 Iomraidhean Croise

Matthew 10:42

Ibagaḵ ḵan diḵayu ḵatuttuwaan, ngaimane ampainum taḵon ay nu abuse sintasae danum atte osa'tta sanae ḵamḵama gapu ta disipuluḵ, aaddi ye magungunaan.”

Matthew 25:40

“Pun saḵone Ari summongbataḵ ḵan dida woḵ ḵanaḵ, ‘Ibagaḵ ḵan diḵayu ḵatuttuwaan, nu ḵingwayu da ḵaḵna si osae ḵababaan atta susunudḵu si pammati, ḵingwayu bos ḵan saḵon.’

Mark 4:10

Ummoyon ḵad da adu we tagu, natenan da nasawaḻan aḵ duwae disipuluna ya da udume nitun-ud ḵan Jesus. Pun ḵananda, “Ngai pion ni sadi ye pani ḵanan?”

Romans 14:15

Nu sa anganan taḵu gapun ni lumawengan ni somsomoḵ ni sunud taḵu ḵan Kristu, daḵampun aḵ ayat impaila taḵu ḵan siya. Sa anganan taḵu adi taḵu iyunude dadailona pammatin ni sunud taḵu te siya inḵatoy Kristu.

Romans 8:9

Yaḵon ḵan diḵayu, daḵampun ogon si gagangaye pipion ni long-ag angituray ḵan diḵayu yaḵon sa Ispiritu Santu angituray ḵan diḵayu nu tuttuwae siya iinggaw ḵan diḵayu. Ngaimane tagu we naippun Ispiritu Santu we inkarin Jesus, daḵampun aḵ tagun Kristu.

1 Corinthians 15:23

Yaḵon nauḻnus da maḵwa: umuna umuli'ḵ Kristu ya nu dumatong aḻgawe mipauliyana, asiyot da losane nanḵaḵatoye namati midoga ḵan siya.

1 Corinthians 3:23

Diḵayu ḵad, ḵuwan Kristu diḵayu ya aḵ Kristu ḵad, ḵuwan Apudyus.

2 Corinthians 10:7

Itollongyu ḵad da mailan da atayu, ippun ḵamman mailayu'tta naḵwa ḵan diḵayu? Nu ḵanandae dida da ustu we tagun Kristu, siya oḵyan sosomḵonda ḵan maawatanda tagun os Kristu diḵani ye isuni dida.

Galatians 3:29

Ḵad gapu ta niyossaan ḵayu ḵan Kristu, nibelang ḵayu'ḵ ganaḵ Abraham ya maḵatawid ḵayu'tta inkarin Apudyus ḵan siya.

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.