Mark 9:35 - Sa Ugud Apudyus

³⁵ Pun tummuḵdu'ḵ Jesus woḵ inayagana da nasawaḻan aḵ duwae disipuluna. Ḵanana ḵan dida, “Sa pionae ambalin aḵ ḵangatuwan, ḵasapuḻane ambalin aḵ napakumbaba ya sammilu'tta losane buḻunna.”

Mark 9:35 Iomraidhean Croise

Matthew 23:11

Ḵad sa ḵangatuwan ḵan diḵayu, ḵasapuḻane siya anserbi'tta buḻunna.

Mark 9:36

Pun innaḻana abeng woḵ pinasiḵadna si gaggawada. Binaḵwaḻna woḵ ḵanana ḵan dida,

Luke 18:14

Pun ḵanan Jesus we nangiyanungus, “Annaya ibagaḵ ḵan diḵayu, ummoyonda ḵad, sa andadagup atta bugis imbelang Apudyus aḵ ippun basuḻna te pinakawanna. Yaḵon sa Pharisee, adimpun Apudyus pinakawan. Te ngaimane angipangatu si long-agna, mipababa. Ḵad ngaimane angipakumbaba si long-agna, mipangatu.”

Luke 22:26

Yaḵon daḵampun oḵyan aḵ ḵaḵnat ḵayu te sa ḵangatuwan ḵan diḵayu ḵasapuḻane ibelangna long-agna'ḵ isun di siya ḵaabengan ya da papangat ambalinda oḵyan aḵ isun di sammilu.

James 4:6

Sa ḵatuttuwaan, ummamdan ḵinabaḻun Apudyus ḵan ditaḵu, isuna nibaga si nigili ye Ugudnae ḵanana, “Sullagiyon Apudyus da ngaimane ampasindayaw, yaḵon ipailana ḵinabaḻuna'tta ngaimane napakumbaba.”