Mark 9:18 - Sa Ugud Apudyus

¹⁸ Nu dumatong aḻan, pittuwaḵona ya antataḻbutab sungadna ḵan ngumalitod babana ḵad angunduḻ os. Nandagdaguwaḵ atta disipulum ta paḻyawonda aḻan ḵan siya yaḵon adidapun lamog.”

Mark 9:18 Iomraidhean Croise

Matthew 15:22

Inninggaw bubai ye iCanaan we Gentil we naḵaumili. Ummadani ḵan Jesus woḵ isassaudna ḵanane nampoḵaw, “Apu, we ganaḵ Ari David, ḵadaguwanaḵ ḵappos! Awad de abengḵu we babaḻasange naaḻanan. Ḵad awade amod de saḵitna.”

Matthew 17:16

Inniyoyḵu'tta disipulum yaḵon adidapun lamog ḵaanon koḻtoyna.”

Matthew 8:12

Yaḵon da Judyu ḵade midoga oḵyan si ampangatan Apudyus, miballuda'k lasin si giḵbot ḵad umibiibilda ya ngumalitod da babada sidi si sangada.”

Mark 11:23

Ibagaḵ ḵan diḵayu ḵatuttuwaan, nu amati ḵayu we adipun anduwaduwa si pusuyu we mituttuwa da ibagayu, maḵwae ḵananyu'tte annae beleg, ‘Ḵumassadḵa ya an-atunḵa si baybay,’ ḵad aaddi ye mituttuwa.

Mark 9:17

Ḵanan ni osa ḵan dida, “Mistulu, indatongḵu ḵan siḵa abengḵu we naaḻanan. Siya gapun ni naumoḻana.

Mark 9:19

Ḵanan Jesus, “Diḵayu we ippun pammatiyu si sanae lunap! Ḵamaan ni inggawaḵ ḵan diḵayu ya asi ḵayu amati? Ḵamaan ni ampatinggaan ni anusḵu ḵan diḵayu?” Pun ḵanana'tte aman ni abeng, “Idatongnu abeng ḵan saḵon.”

Mark 9:20

Pun inniyoyna abeng ḵan siya. Innilan ḵad ay ni aḻan aḵ Jesus, daguse nabilaw abeng ya pinittuwaḵna woḵ nangayasḵasona pun antataḻbutab sungadna.

Mark 9:26

Naabus ḵade nantuḵituḵingona ḵan binilawna'ḵ amod, lummawa. Ḵad isun di ladag abeng. Pun sa ḵanan da adu we tagu, natoy.

Acts 7:54

Dingngoḻ ḵad da papangat da Judyu da imbagan Stephen, ngumalitod da babada'tte ummamdane sangada.

Jude 1:13

Mipanida bos si daḵoḻe tupiyaḵ atte baybaye itupitupiyaḵna itoḵwaḻ da ḵaissawe taḻbutab da ḵababbaine ḵoḵoḵḵonda. Isuda bos da bituwon ad langite ansayasayape nalimuda si ustu we aayyonda. Pun sana gapunae insaganan Apudyus ḵagiḵbotane inggawanda'ḵ inggana.