Mark 7:21 - Sa Ugud Apudyus

²¹ Te sadi puun ni isun da sanae ḵasomsomḵan, adaḻugona daḵampun aḵ asawana, an-aḵaw, pumatoy, maḵadagdagas,

Mark 7:21 Iomraidhean Croise

Matthew 15:19

Te sa somsomoḵ, siya maḻpuwan ni losane somsomḵon ni tagu we isun da sana; adaḻugona daḵampun aḵ asawana, an-aḵaw, pumatoy, maḵadagdagas, taḵdoḻana da tinutuli ya an-ugud aḵ lawweng atta asintataguna.

Matthew 9:4

Yaḵon aḵ Jesus ḵad, inigammuna somsomoḵda woḵ ḵanana, “Ngaipayu somsomḵon lawweng?

Mark 7:20

Pun pinagatupan Jesus woḵ ḵanana, “Sa maḻpu'tte somsomoḵ ni tagu, siya mibelang aḵ angaissaw ḵan siya si antotollong Apudyus.

Mark 7:22

andomos atta ḵuḵuwan da udum, ḵoona da lawweng atta asintataguna, umallelaw, ḵoona da ḵababbain, maapos, an-amsew, ansoḵaḻ, ḵad andongdong-og.

Luke 16:15

Pun ḵanan Jesus ḵan dida, “Diḵayu ḵad, ambalinonyu long-agyu'ḵ naun-unan si antotollong da tagu yaḵon iniiggammun Apudyus da somsomoḵyu. Ummanyu te sa ibelang da tagu we ampatog, lawwelawweng atte antotollong Apudyus.

Acts 5:4

Sa daanyu angingin-an atte lutayu sissiyae ḵuwayu. Pun ingnginayu ḵad, awad ḵan diḵayu nu ngai pionyu angastuwan si bayadna. Ngaipam ay simsimmoḵ ḵoon sadi? Daḵampun aḵ tagu nantultulliyam yaḵon aḵ Apudyus!”

Acts 8:22

Pun ibabawim da basuḻnu ya agaynu we angwa ya alluwaḻuḵa ḵan Apudyus, nu maḵwae pakawanona siḵa si ḵaḵnate ansosomsomoḵnu.

Romans 7:5

Sa awe ye nangunudan taḵu'tta pion da long-ag taḵu, inigammu taḵu ḵad lintog amo amaamayon taḵu we angwa'ḵ basuḻ. Pun siya gapunae ḵoon taḵu da ambanag si matoyan taḵu ḵan misinaan taḵu ḵan Apudyus aḵ inggana.

Romans 7:8

Yaḵon gapu ta anna lintoge angipaigammu mipanggob si basuḻ, amo nitoḵwaḻ da losane kalasin di ḵamommode anna ḵan saḵon. Nu naippun oḵyan lintog, sa amaamaye bumasuḻ adipun madog-an.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

James 2:4

Adiyupun ḵamman nilaḵsig da buḻunyu si imbelangyu we nangatu da udum ḵan diḵayu ya nambalin ḵayu'ḵ ḵuwis atta somsomoḵyu?