Mark 6:6 - Sa Ugud Apudyus

⁶ Nataag atte ippun pammatida ḵan siya. Pune sadi, ummoy aḵ Jesus nantuttudu'tta nampaliḵwose ili.

Mark 6:6 Iomraidhean Croise

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Matthew 8:10

Dingngoḻ ḵad Jesus da imbagana, nasdaaw woḵ ḵanana'tta nibuḻun ḵan siya, “Ibagaḵ ḵan diḵayu ḵatuttuwaan, naippun paat indasanda'ḵ tagu'ḵ ampigsapigsa pammatina'd Israel aḵ isun ni pammatin ni annae tagu.

Matthew 9:35

Ginaḵagaḵay Jesus da losane siyudad ḵan losane ili. Nantuttudu'tta sinagogada ya iwwaḻagawagna Ambaḻu we Damag mipanggob si ampangatan Apudyus ḵan ḵinaanna bos da losane kalasin di saḵit ya da ampaḵaḻaman da tagu.

Mark 1:39

Pun ummoyda nanggaḵay atta losane ili'tte probinsiya'd Galilee woḵ iwwaḻagawag Jesus Ambaḻu we Damag atta adu we sinagoga woḵ paḻyawona da aḻan atta naaḻanan.

Mark 10:1

Pun tinenan da Jesus ad Capernaum woḵ ummoyda'tte probinsiya'd Judea woḵ dummoḻmangda'tte tawwang Jordan. Pune sadi naaligummu bos da amode tagu ḵan siya woḵ ḵasin os nantuttudu ḵan dida te siya ugalina.

Luke 13:22

Pun pinagatupan Jesus we ummoy ad Jerusalem yaḵon nansadang atta siyudad ḵan ḵinailin di ili ye nilausana ta antuttudu.

Luke 4:31

Pune sadi, ummoy aḵ Jesus si siyudad ad Capernaum atte probinsiya'd Galilee. Sa aḻgaw ḵade umillongan, ummoy si sinagoga woḵ nantuttudu.

Luke 4:44

Pune sadi, pinagatupanae ummoy nangiwaḻagawag atta sinagoga si probinsiya'd Judea.

John 9:30

Summongbat os laḻaḵi woḵ ḵanana, “Mataagaḵ ḵan diḵayu! Ippun igammuyu si naḻpuwana yaḵon diniyatna ataḵ!

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.