Mark 6:34 - Sa Ugud Apudyus

³⁴ Dummatong ḵad da Jesus atte taḻantag ni baybay, lummogsadda'tte bangka. Innilana ḵad da amode tagu, ḵummadagu ḵan dida te isudan karnero we ippun anangḵon ḵan dida. Pune sadi, insaḻadnae nantuttudu'tta adu we banag ḵan dida.

Mark 6:34 Iomraidhean Croise

Matthew 14:14

Dummatong ḵad da Jesus atte taḻantag ni baybay, lummogsadda'tte bangka. Innilana ḵad da amode tagu, ḵummadagu ḵan dida woḵ ḵinaanna da saḵit da nasaḵit.

Matthew 15:32

Pun inayagan Jesus da disipuluna woḵ ḵanana, “Madaguwaḵ atta annae tagu te inniinggawda ḵan saḵon aḵ tuḻun aḻgaw pun annate ippun ogon ḵanonda. Adiḵpun pion paoyonon didae mauuḻat te angunawada ḵad os ay si daḻan.”

Matthew 9:36

Innilan ḵad Jesus da amode tagu, ḵinadaguwana dida te ampaḵaḻamda ya naippun ampabadangandae isudan karnero we ippun anangḵon ḵan dida.

Mark 6:33

Inninggaw da adu we nangimatun ḵan dida ya nangila'tte ḵesananda, pun sintotoddaḵdae naḻpu'tta losane ili woḵ ummunada dummatong atte ayan da Jesus.

Mark 6:35

Mummasdom ḵad, ummoy da disipulu ḵan Jesus woḵ ḵananda, “Naabuse mummasdom ya anna taḵu si bumbummaaw.

Mark 8:1

Da sadi ye aḻgaw, inninggaw da amoamode tagu we ḵasin nadagup ḵan Jesus. Gapu ta naippun ogon ḵanonda, inayagan Jesus da disipuluna woḵ ḵanana,

Mark 8:2

“Madaguwaḵ atta annae tagu te inninggawda ḵan ditaḵu'ḵ tuḻun aḻgaw pun ippun ogon ḵanonda.

Luke 9:11

Dingngoḻ ḵad da amoamode tagu ummayan da Jesus, tinun-udda dida. Pun inayagana dida woḵ intuttuduna mipanggob atte ampangatan Apudyus ya sa inonae angaan atta saḵit.

Hebrews 2:17

Pun ḵasapuḻane miyiissu ḵinatataguna ḵan ditaḵu we susunudna. Ḵad sadi inonae ambalin aḵ ḵangatuwane padi ye ḵumadagu ya mataḻgodane anserserbi ḵan Apudyus ya nangidatun si mismu we biyagna si natoyana ta mapakawan da basuḻ da tagu.

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.