32 Pun nambangkadae abus woḵ ummoyda si bumbummaaw.
Gapu ḵad ta amoamode tagu, imbagana'tta disipuluna ta umoyda angngit aḵ bangka ta siya inggawana ta adi misodet.
Pun naḵalugan da disipuluna'tte bangkae inninggawan Jesus woḵ tinenanda da tagu. Inninggaw os da nambangkae nibuḻun ḵan dida.
Inninggaw da adu we nangimatun ḵan dida ya nangila'tte ḵesananda, pun sintotoddaḵdae naḻpu'tta losane ili woḵ ummunada dummatong atte ayan da Jesus.
Pun daguse nambangkaon Jesus da disipuluna ta umunada dumoḻmang ad Bethsaida. Pun pinaḻyawna da adu we tagu'tta ilida.
Pun summaḵay atte bangka woḵ gumminoḵ bibbid. Pun amod de nantataag da disipuluna.
Naḻaḵpus ḵad pigan aḻgaw, dummoḻmang aḵ Jesus ya da disipuluna'tte Baybay ad Galilee ye Tiberias osae ngadanna.
